Köpugurly hödürleýän hyzmatlarymyz
e.gov.tm
“e.gov.tm” Döwlet hyzmatlarynyň resmi internet portaly.
Şahsy otag
Hyzmatlary online dolandyr.
Türkmen Radio
Online radio.
Sanly.tm
Milli elektron poçta.
Habarlar
Gündeki täzeliklerden habarly boluň.
Aşgabatda Zenanlar birleşigi bilen Aragatnaşyk ministrligi zenanyň maşgalada we jemgyýetde eýeleýän orny barada söhbetdeşlik geçirdi
Türkmenistanyň Aragatnaşyk ministrliginiň we onuň garamagyndaky kärhanalaryň işgärleri zenanyň maşgalada we jemgyýetde eýeleýän orny barada söhbet etmek maksady bilen, ýurdumyzyň Zenanlar birleşiginiň wekilleri bilen duşuşdylar. «Ornuňyz tördedir, sarpaňyz belent, ýaşaýşa ýarandyr mährem zenanlar» atly wagyz-nesihat duşuşygy 26-njy oktýabrda ministrligiň mejlisler zalynda geçirildi. Çäräni Türkmenistanyň Aragatnaşyk ministrligi hem-de Türkmenistanyň Zenanlar birleşiginiň Merkezi geňeşi bilelikde gurady.Duşuşyga gatnaşyjylara Türkmenistanyň gazanýan üstünlikleri, halkara abraýy we depginli ösüşi barada gürrüň berildi. Duşuşygyň esasy mowzugy milli däp-dessurlar, ýaş nesli terbiýelemek hem-de maşgala mukaddesliginiň mizemezligini gorap saklamak bilen baglanyşykly boldy.Duşuşyga şeýle hem Zenanlar birleşigine wekilçilik edýän Aşgabat şäherindäki çagalar baglarynyň biriniň terbiýeçisi, Türkmenistanyň Ylymlar akademiýasynyň ylmy işgäri, Aragatnaşyk ministrliginiň we onuň garamagyndaky kärhanalaryň işgärleri gatnaşdylar.
Ашхабад примет два международных форума по транспорту и цифровым технологиям
С 24 по 26 ноября 2026 года в Ашхабаде одновременно пройдут международная конференция и выставка «Международные транспортно-транзитные коридоры: взаимосвязанность и развитие – 2026», а также международная выставка и научная конференция «Türkmentel – 2026». Мероприятия объединят два направления — развитие международных транспортных маршрутов и информационно-коммуникационных технологий.Выставка «Türkmentel – 2026» охватит широкий спектр технологических решений, включая телекоммуникационные сети, спутниковую связь, ИИ и 5G, центры обработки данных, цифровые платформы, финансовые технологии и системы информационной безопасности.Отдельное внимание будет уделено ИТ-инфраструктуре, аналитике данных, программным решениям для бизнеса, платёжным системам, технологиям «умного дома», а также веб- и мобильным приложениям. Тематическая программа охватывает как инфраструктурные решения для отраслей экономики, так и технологии для повседневного использования.В свою очередь, конференция и выставка «Международные транспортно-транзитные коридоры: взаимосвязанность и развитие – 2026» станет площадкой для обсуждения международных маршрутов, укрепления транспортных связей между странами и повышения эффективности транзитных перевозок. Ожидается участие представителей профильных государственных ведомств, транспортных и логистических компаний, а также отраслевых специалистов.Проведение двух мероприятий в одни даты позволит участникам рассмотреть транспортную инфраструктуру и цифровые технологии в рамках общей деловой повестки. Современные логистические системы всё активнее используют телекоммуникационные сети, электронный обмен данными и цифровые платформы для организации перевозок и координации транспортных потоков.Таким образом, ноябрьские мероприятия в Ашхабаде объединят вопросы развития международного транзита и внедрения современных ИКТ-решений, которые играют важную роль в организации транспортных и логистических процессов.
Türkmenistanyň Aragatnaşyk ministrligi wirtual aktiwler bazary üçin torlary döwrebaplaşdyrýar
Türkmenistanyň Aragatnaşyk ministrligi ýurduň wirtual aktiwleri düzgünleşdirmek we maýning tehnologiýasyny ornaşdyrmak boýunça işleriniň esasy binýadyna öwrüljek telekommunikasiýa infrastrukturasyny döwrebaplaşdyrmak boýunça işleri alyp barýar. Bu barada Türkmenistanyň Maýa goýum forumynda (TIF-2026) çykyş eden Aragatnaşyk ministriniň orunbasary Berdimyrat Berdiýew aýtdy.Aragatnaşyk ministriniň orunbasarynyň sözlerine görä, blokçeýn tehnologiýalary we wirtual aktiwler ýaly maliýe gurallaryny ornaşdyrmagyň esasy binýady ýokary öndürijilikli, ygtybarly we howpsuz telekommunikasiýa infrastrukturasydyr. Ol Türkmenistanda «Wirtual aktiwler hakynda» Kanunyň kabul edilendigini we wirtual aktiwleri düzgünleşdirmek hem-de maýning tehnologiýasyny 2026–2030-njy ýyllarda ornaşdyrmak boýunça «Ýol kartasynyň» tassyklanandygyny ýatlatdy.Berdyýew bu ugurdaky döwlet syýasatynyň birnäçe edaranyň arasynda paýlanandygyny düşündirdi. Merkezi bank maliýe bazaryny düzgünleşdirýär we kripto biržalaryna ygtyýarnama berýär, Energetika ministrligi senagat derejesindäki maýning üçin nyrh we energetika syýasatyny kesgitleýär, Maliýe we ykdysadyýet ministrligi bolsa maliýe monitoringini üpjün edýär.Onuň sözlerine görä, Aragatnaşyk ministrliginiň jogapkärçilik çägine üç esasy ugur girýär: maglumatlary gaýtadan işleýän merkezleri, maýning pullaryny we wirtual aktiwleri alyş-çalyş etmek boýunça ygtyýarly operatorlary ýokary tizlikli aragatnaşyk kanallary bilen üpjün etmek; maliýe torlarynyň möhüm maglumat infrastrukturasyny kiber howplardan we DDoS hüjümlerinden goramagy öz içine alýan maglumat howpsuzlygyny üpjün etmek; şeýle hem maglumat howpsuzlygynyň we maglumatlaryň özygtyýarlylygynyň standartlaryny berjaý etmek bilen milli maglumat geçiriş torlaryny halkara sanly giňişlige birleşdirmek.Aragatnaşyk ministriniň orunbasary blokçeýn tehnologiýasynyň we wirtual aktiwler bilen geçirilýän amallaryň aragatnaşygyň hiline ýokary talaplary bildirýändigini belledi. Bu ugurda iň pes gijikdirmeler, enjamlaryň bökdençsiz işlemegi we aragatnaşyk kanallarynyň ätiýaçlandyrylmagy aýratyn möhüm bolup durýar. Şunuň bilen baglylykda, ministrlik süýüm-optiki aragatnaşyk liniýalaryny döwrebaplaşdyrýar, magistral torlaryň geçirijilik ukybyny artdyrýar we häzirki zaman marşrutlaşdyryş enjamlaryny ornaşdyrýar. «Sanly maliýe we finteh ulgamynda işleýän ýerli we halkara maýadarlaryň durnukly hem-de goragly telekommunikasiýa gurşawyna daýanmagy üçin ähli zerur şertler döredilýär» — diýip, ol aýtdy.Berdyýew kiberhowpsuzlyk meselelerine hem aýratyn üns berdi. Onuň sözlerine görä, ministrlik trafigi gözegçilikde saklaýyş ulgamlaryny güýçlendirmäge, kiberjenaýatçylyga garşy göreş boýunça degişli edaralar bilen hyzmatdaşlyga we öňdebaryjy şifrleme protokollaryny ornaşdyrmaga ilkinji derejeli ähmiýet berýär. «Milli maglumat giňişliginiň howpsuzlygy maýadarlaryň ynamynyň we Türkmenistanyň tutuş maliýe-ykdysady ulgamynyň durnuklylygynyň kepilidir» — diýip, ol nygtady.Aragatnaşyk ministriniň orunbasary hünärmenleri, tehnologiýa kompaniýalarynyň wekillerini we maýadarlary «Türkmentel-2026» atly halkara sergä we ylmy maslahata gatnaşmaga çagyrdy. Ol Aragatnaşyk ministrliginiň konstruktiw dialoga, tehnologik hyzmatdaşlyga we sanly infrastrukturany ösdürmäge maýa goýumlaryny çekmäge açykdygyny belledi.Türkmenistanyň Maýa goýum forumy (TIF-2026) 1–2-nji oktýabrda Aşgabatda geçirilýär. Oňa 50 döwletden 750-den gowrak wekil gatnaşýar. Forumda energetika we nebithimiýa, ulag geçelgeleri we Hazar sebiti, sanly ykdysadyýet we emeli aň, oba hojalygy işewürligi, syýahatçylyk, şäher infrastrukturasynyň ösüşi we suw serişdeleri ýaly meseleler ara alnyp maslahatlaşylýar.
Türkmenistan «C5+1» sanly innowasiýalar maslahatyna gatnaşdy
Türkmenistanyň aragatnaşyk ministriniň orunbasary Ý. Gulmämmedowyň ýolbaşçylygyndaky wekiliýet 2026-njy ýylyň 29-njy sentýabrynda Astanada geçirilen «C5+1» formatyndaky sanly innowasiýalar maslahatyna gatnaşdy. Çäre Merkezi Aziýa ýurtlary bilen Amerikanyň Birleşen Ştatlarynyň arasyndaky köptaraplaýyn hyzmatdaşlygyň çäklerinde geçirildi. Maslahata Merkezi Aziýa ýurtlarynyň we ABŞ-nyň degişli döwlet edaralarynyň ýolbaşçylary hem-de wekilleri, şeýle hem DFC, CRDF Global, CIPE we CLDP ýaly hyzmatdaş guramalaryň wekilleri gatnaşdy.Hususy pudak we halkara bilermenler jemgyýeti tarapyndan Meta, Oracle, Honeywell Technologies, Wabtec, McKinsey, EPAM, Plug and Play we Alchemist Accelerator ýaly kompaniýalar hem-de guramalar öz tejribelerini we häzirki zaman tehnologik çözgütlerini hödürlediler. Astana maslahaty sanly özgertmeleri diňe tehnologik täzeleniş hökmünde däl, eýsem ykdysady ösüş, maglumat howpsuzlygy we halkara hyzmatdaşlyk bilen gönüden-göni baglanyşykly giň ugur hökmünde ara alyp maslahatlaşmaga mümkinçilik berdi. Maslahatyň gün tertibinde emeli aň we sanly innowasiýalar aýratyn orun eýeledi.Maslahatyň açylyş dabarasynda türkmen wekiliýeti Türkmenistanda sanly ykdysadyýeti ösdürmek, häzirki zaman sanly tehnologiýalary ornaşdyrmak, degişli başlangyçlary durmuşa geçirmek we bu ugurda gazanylan netijeler barada maglumat berdi. Şeýle hem sanly ösüşiň geljekki ileri tutulýan ugurlaryna aýratyn üns çekildi.Gatnaşyjylar bu ugurlarda hyzmatdaşlygy giňeltmegiň we hyzmatdaşlyk gatnaşyklaryny pugtalandyrmagyň mümkinçilikleri boýunça hem pikir alyşdylar.
Türkmenistan we sebitiň ýurtlary ABŞ bilen emeli aňyň, maglumat merkezleriniň we sanly hyzmatlaryň ösüşini maslahatlaşýarlar
30-njy sentýabrda Astanada Emeli aňyň (EA) ösüşine we Merkezi Aziýa ýurtlarynyň (Gazagystan, Gyrgyzystan, Täjigistan, Türkmenistan, Özbegistan) hem-de ABŞ-nyň arasyndaky sanly hyzmatdaşlyga bagyşlanan «C5+1 SI Conference» maslahatynyň ikinji güni geçirilýär. Forum 29-njy sentýabrda «Hilton Astana» myhmanhanasynda açyldy we döwlet edaralarynyň, tehnologiýa kompaniýalarynyň we hünärmenleriň wekillerini bir ýere jemledi.Maksatnama laýyklykda, birinji günde gatnaşyjylar emeli aňyň we sanly infrastrukturanyň ösüşini, EA ulgamyndaky milli strategiýalary, sanly özgerişleri hem-de howpsuz aragatnaşygy, şeýle hem emeli aňyň oba hojalygynda, energetikada, logistikada we möhüm minerallar pudagynda ulanylyşyny maslahatlaşdylar.Ikinji gün sanly ykdysadyýet üçin hünärmenleri taýýarlamaga, EA-startaplara, wençur maýa goýumlaryna hem-de uniwersitetleriň we barlag merkezleriniň hyzmatdaşlygyna bagyşlanýar. «Silkroad Innovation Hub» we MIT-niň aýratyn sessiýasy Merkezi Aziýanyň emeli aňyň ornaşdyrmaga taýýarlygyna seredip geçýär. Şeýle hem gün tertibinde serhetüsti maglumat çalşygy we sanly söwda bar. Maslahat Merkezi Aziýa ýurtlarynyň wekiliýet baştutanlarynyň ileri tutulýan ugurlar we geljekki ädimler baradaky çekişmesi, şeýle hem sebitiň we ABŞ-nyň emeli aň hem-de täze tehnologiýalar ulgamyndaky hyzmatdaşlygynyň geljegi baradaky sessiýa bilen tamamlanar.Tehnologik ileri tutulýan ugurlar ykdysady hyzmatdaşlyk babatda «C5+1» Bilelikdäki beýannamasynda berkidildi. Resminama IT-startaplary goldamagy, EA boýunça barlaglarda we bilimde hyzmatdaşlygy, sanly hyzmatlary, telekommunikasiýa infrastrukturasyny we maglumatlary işlemek merkezlerini ösdürmegi göz öňünde tutýar.«C5+1» formaty 2015-nji ýyldan bäri Merkezi Aziýa we ABŞ-nyň arasynda ykdysadyýet, howpsuzlyk we sebitara özara hyzmatdaşlyk meseleleri boýunça dialog meýdançasy hökmünde hereket edýär.
Aşgabatda ykdysady innowasiýalar boýunça maslahat geçirildi
Ykdysadyýet toplumynyň mejlisler zalynda «Innowasiýalar we sanly tehnologiýalar ykdysady ösüşiň hereketlendiriji güýçleridir» atly ylmy-amaly maslahat geçirildi. Oňa ýurduň maliýe we ykdysadyýet toplumyna degişli ministrlikleriň, pudaklaýyn dolandyryş edaralarynyň, banklaryň ýolbaşçylary, ugurdaş ýokary okuw mekdepleriniň professor-mugallymlary, talyplar gatnaşdylar. Bu barada TDH habar berdi.Türkmenistanyň durmuş-ykdysady ösüşiniň möhüm ugurlarynyň biri Durnukly ösüş maksatlaryny (DÖM) durmuşa geçirmekden ybaratdyr. Türkmenistan DÖM-niň aýry-aýry görkezijilerine ýetmek boýunça ýokary netijeleri gazandy we ykdysadyýetiň bäsdeşlige ukyplylygyny ýokarlandyrmaga, üstaşyr ulag geçelgelerini ösdürmäge, sanly ulgamy ornaşdyrmaga gönükdirilen toplumlaýyn çäreleri, howanyň üýtgemegine uýgunlaşmak hem-de onuň netijelerini ýeňilleşdirmek, daşky gurşawy goramak, ykdysady syýasatyň durmuş ulgamyna gönükdirilen, raýatlaryň hal-ýagdaýyny ýokarlandyrmagy we döwletiň gülläp ösmegini göz öňünde tutýan ugruny çuňlaşdyrmak boýunça çäreleri geçirmegi işjeň dowam etdirýär.Çykyşlarda bellenilişi ýaly, Türkmenistanyň hem-de daşary ýurt maýa goýumlary üçin amatly maýa goýum ýagdaýyny döretmek, gurluşyga, ulag ulgamyna, maglumat tehnologiýalaryna, telekommunikasiýalara aýratyn üns bermek bilen, täze taslamalary durmuşa geçirmek ykdysady syýasatyň strategik ugry bolup durýar.Ylmy-amaly maslahatdaky çykyşlarda milli ykdysadyýeti ösdürmek boýunça öňe sürlen başlangyçlaryň çäklerinde amala aşyrylýan maliýe özgertmeleriniň bank ulgamynyň berk binýadyny döretmäge, ýurtda ykdysady durnuklylygy berkitmek arkaly türkmen ykdysadyýetini mundan beýläk-de ösdürmäge uly ýardam berýändigi aýratyn nygtaldy. Ylmy-amaly maslahatda «Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasyny» durmuşa geçirmegiň çäklerinde blokçeýn, maliýe tehnologiýalary, bulutlaýyn hasaplamalar we zatlaryň interneti (IoT) ýaly innowasion sanly tehnologiýalary ornaşdyrmak ýaly möhüm meseleler hem ara alnyp maslahatlaşyldy. Bellenilişi ýaly, ýurrda sanly ulgamy ornaşdyrmagyň çäklerinde amala aşyrylýan giň gerimli özgertmeler bilen baglylykda ykdysadyýetde täze pudaklar, bazarlar, dolandyryş usullary peýda bolýar.
Türkmenistanda optiki-süýüm kabelleri öndürýän önümçilik desgasy gurlar
2026-njy ýylyň 15-nji sentýabrynda Seul şäherinde Türkmenistanyň Aragatnaşyk ministrligi bilen Koreýa Respublikasynyň «LS Cable & System Ltd.» kompaniýasynyň arasynda özara düşünişmek hakynda Ähtnama gol çekildi.Bu resminama iki tarapyň arasynda telekommunikasiýa we maglumat-kommunikasiýa tehnologiýalary ulgamynda uzak möhletleýin hem-de ulgamlaýyn hyzmatdaşlygy ösdürmäge hem-de giňeltmäge gönükdirilendir. Resminama laýyklykda, taraplar Türkmenistanda optiki-süýüm kabel önümçiligini ýola goýmak we degişli tehniki goldawy bermek, şeýle hem telekommunikasiýa magistralynyň we infrastrukturanyň gurluşygy boýunça bilelikde iş alyp bararlar. Ähtnamanyň esasynda durmuşa geçiriljek bilelikdäki taslamalar Türkmenistanyň sanly ykdysadyýeti giňden ornaşdyrmak boýunça maksatnamalaryna, şeýle hem ýurduň halkara telekommunikasiýa magistrallaryndaky eýeleýän strategik ornuny berkitmäge uly goşant goşar.
Türkmenistanyň Aragatnaşyk ministrligi internet saýtlaryna bildirilýän tehniki talaplary täzeledi
Türkmenistanyň Aragatnaşyk ministrligi internet web-saýtlaryny döretmek we işe girizmek üçin bir bitewi tehniki talaplara üýtgetmeler girizdi. Degişli buýruk Türkmenistanyň Adalat ministrliginde döwlet belligine alyndy.Girizilen üýtgetmeler häzirki talaplaryň birnäçe böleklerine, şol sanda web-saýtlary kiberhowplardan goramak meselelerine, maglumatlaryň ätiýaçlyk nusgalaryny almak tertibine we web-saýtlaryň dolandyryş bölümleri bilen işlemegiň kadalaryna degişlidir.Üýtgetmeleriň doly teksti bilen Türkmenistanyň Adalat ministrliginiň resmi web-saýtynda tanşyp bolar.
e.gov.tm arkaly «Aşgabat» stadionynyň sport meýdançalaryny nädip bron etmeli
e.gov.tm elektron hyzmatlary portaly Aşgabat şäheriniň ýaşaýjylaryna köpugurly «Aşgabat» stadionynyň sport hyzmatlaryny amatly we çalt görnüşde bron etmäge hem-de töleg geçirmäge mümkinçilik berýär. Bu hyzmat türgenleşik wagty tygşytly we netijeli guramaga ýardam edýär.Platformada sport toplumynyň dürli görnüşli desgalary elýeterlidir. Ulanyjylar futbol meýdançalaryny, basketbol we woleýbol üçin ýapyk meýdançalary, şeýle hem tennis meýdançalary kärendesine almak üçin bron edip bilerler.Başa-baş söweş we güýç görnüşli sport bilen meşgullanýanlar üçin göreş, dzýudo, boks we agyr atletika boýunça ýöriteleşdirilen zallar göz öňünde tutulandyr. Mundan başga-da, portal arkaly ýeňil atletika ýodalaryny we ýüzülýän howuzy hem bron etmek bolýar.Hyzmaty resmileşdirmek üçin «Sport we medeniýet» bölümine girip, «Köpugurly «Aşgabat» stadiony» bölümçäni saýlamaly we gyzyklanýan sport desgasyny görkezmeli. Belli bir hyzmat saýlanandan soň onuň bahasy görkezilýär. Töleg «Altyn Asyr» ulgamynyň bank kartlarynyň kömegi bilen amala aşyrylýar.
«Sanly çözgüt — 2026» bäsleşigine gatnaşyjylara arzalary bermegiň möhletleri ýatladylýar
Türkmenistanda «Sanly çözgüt — 2026» atly innowasion taslamalaryň we startaplaryň her ýyl geçirilýän bäsleşigine arzalaryň kabul edişligi dowam edýär. Aragatnaşyk ministrligi ýaş programmistlere, işläp düzüjilere we oýlap tapyjylara öz sanly çözgütlerini hödürlemek hem-de baýrakly orunlar üçin bäsleşmek mümkinçiligini ýene bir gezek ýatladýar.Gatnaşyjylar üçin ahyrky möhlet — 2026-njy ýylyň 1-nji oktýabry. Aragatnaşyk ministrligi bäsleşige gatnaşmak üçin resminamalary we taslamalary şu senä çenli kabul edýär. Arzalary bäsleşigiň ýörite elektron platformasy arkaly elektron görnüşde tabşyryp bilersiňiz.Şu ýyl taslamalar ýedi ugur boýunça kabul edilýär: emeli aň, robototehnika we awtomatlaşdyrma, «akylly» oba hojalygy tehnologiýalary, Smart City, bilim we elektron okuw, sanly lukmançylyk, şeýle hem hyzmatlar ulgamy.Bäsleşige hem özbaşdak işläp düzüjiler, hem-de düzüminde 3 adama çenli bolan toparlar çagyrylýar. Hödürlenýän taslamalar ýurduň ykdysadyýetini sanlylaşdyrmak wezipelerine doly gabat gelmeli we hödürlenýän tehnologik çözgütleriň amaly bähbitlerini aýdyň görkezmeli.Türkmenistanyň Aragatnaşyk ministrligi tarapyndan 2020-nji ýyldan bäri geçirilip gelinýän bu bäsleşik IT ulgamynda ýaş zehinleri ýüze çykarmaga, innowasion işläp taýýarlamalary goldamaga hem-de täze startaplary ýola goýmak üçin amatly şertleri döretmäge gönükdirilendir. Bäsleşik bu ýyl Türkmenistanda 2026 – 2028-nji ýyllarda sanly ykdysadyýeti ösdürmegiň Konsepsiýasyna laýyklykda geçirilýär.«Sanly çözgüt — 2026» bäsleşiginiň jemlerini Aşgabat şäherinde geçiriljek «Türkmentel — 2026» halkara sergisiniň we ylmy maslahatynyň çäklerinde jemlemek göz öňünde tutulýar. Dürli ugurlar boýunça ýeňiji bolanlara diplomlar we gymmat bahaly sowgatlar gowşurylar.Şeýlelikde, ýaş işläp düzüjiler üçin öz taslamalaryny resmileşdirmek we Türkmenistanyň sanly ykdysadyýetini ösdürmäge gönükdirilen geljegi uly sanly ideýalary hem-de amaly çözgütleri birleşdirýän bu bäsleşige gatnaşmaga ýetişmek üçin juda az wagty galdy.
«Türkmentelekom» EAK
«Türkmentelekom» EAK Türkmenistanyň her künjeginde müşderilerine durnukly we hilli hyzmat hödürleýär.
Biziň bilen habarlaşyň
- “Türkmentelekom” EAK-nyň tehniki hünärmenlerine ýüz tutmak;
- Tiz we gysga wagtda tehniki hyzmatlary almak;
- Ýokary hilli hyzmatlardan peýdalanmak.
