Köpugurly hödürleýän hyzmatlarymyz
e.gov.tm
“e.gov.tm” Döwlet hyzmatlarynyň resmi internet portaly.
Şahsy otag
Hyzmatlary online dolandyr.
Türkmen Radio
Online radio.
Sanly.tm
Milli elektron poçta.
Habarlar
Gündeki täzeliklerden habarly boluň.
В Туркменистане продолжается прием заявок на конкурс «Sanly çözgüt – 2026»
В Туркменистане продолжается прием заявок на ежегодный конкурс инновационных проектов и стартапов «Sanly çözgüt – 2026», направленный на поддержку молодых разработчиков, программистов и изобретателей. Участники могут представить свои цифровые решения по семи приоритетным направлениям, отвечающим задачам развития национальной экономики и цифровой трансформации страны.Конкурс проводится Министерством связи Туркменистана с 2020 года в рамках реализации Концепции развития цифровой экономики страны. Его главная цель — стимулировать молодежь к созданию современных программных продуктов, инновационных разработок и технологических решений.Традиционно участниками конкурса становятся школьники, студенты и молодые специалисты, представляющие собственные цифровые проекты. В этом году конкурс охватывает семь ключевых направлений: искусственный интеллект, робототехнику и автоматизацию, технологии «умного» сельского хозяйства, Smart City, цифровое образование и электронное обучение, цифровую медицину, а также современные сервисные решения.Представленные проекты будут оцениваться специализированной экспертной комиссией. Итоги конкурса и имена победителей объявят в торжественной обстановке в рамках международной выставки и научной конференции «Türkmentel – 2026», которые традиционно проходят в конце года.Заявки на участие принимаются в электронном формате через официальный портал telecom.tm, где молодые разработчики и авторы инновационных идей могут пройти регистрацию и представить свои проекты.
Türkmenistanda ulag-aragatnaşyk toplumynyň ýedi aýdaky işleriniň jemleri jemlenildi
Düýn Türkmenistanyň Demir ýol ulaglary ministrliginiň edara binasynda şu ýylyň ýanwar–iýul aýlarynda ýerine ýetirilen işleriň jemlerine bagyşlanan maslahat geçirildi.Ministrligiň resmi saýtynda habar berlişi ýaly, ulag-aragatnaşyk toplumynda ýerine ýetirilen işleriň we edilen hyzmatlaryň ösüş depgini 114 göterime deň boldy — diýlip, maslahatda bellenildi.Geçen ýylyň degişli döwri bilen deňeşdirilende, awtomobil, demir ýol, howa, deňiz we derýa ulaglary arkaly ýük daşamalaryň ösüş depgini 103,6 göterime, ýolagçy gatnatmalarynyň ösüş depgini bolsa 102,4 göterime ýetdi.Hasabat döwründe Türkmenistanyň Demir ýol ulaglary ministrligi boýunça ýerine ýetirilen hyzmatlaryň ösüş depgini 107 göterime, Awtomobil ulaglary ministrligi boýunça 118,8 göterime, «Türkmenhowaýollary» döwlet gullugy boýunça 118,5 göterime, Deňiz we derýa ulaglary döwlet gullugy boýunça 102,1 göterime, Aragatnaşyk ministrligi boýunça bolsa 115,5 göterime deň boldy.
Aragatnaşyk ministrliginiň işgärleri Halk Maslahatynyň ornuna bagyşlanan maslahata gatnaşdylar
Türkmenistanyň Demir ýol ulaglary ministrliginde «Halk maslahaty — beýik tutumlaryň başlangyjy» atly tematik maslahat geçirildi.Çäräniň dowamynda Türkmenistanyň gazanan üstünlikleri beýan edildi hem-de ýurduň we jemgyýetiň mundan beýläk-de ösmeginde Türkmenistanyň Halk Maslahatyny geçirmegiň ähmiýeti aýratyn nygtaldy.Maslahatda dürli ulgamlaryň we guramalaryň wekilleri çykyş etdiler. Çykyşlarda ýaşlar syýasaty, raýat awiasiýasynyň işiniň aýratynlyklary we howa gatnawlaryny guramak, sanly ykdysadyýeti ösdürmek hem-de bu ugurdaky döwlet maksatnamalary, şeýle-de ulag pudagy üçin hünärmenleri taýýarlamak bilen bagly meseleler ara alnyp maslahatlaşyldy.Şeýle hem ýurduň gazanan üstünlikleriniň köpçülikleýin habar beriş serişdelerinde beýan edilişine, maglumat tehnologiýalaryny ösdürmäge we bu ugurda hünärmenleri taýýarlamaga, demir ýol ulagynda gatnawlary guramagyň tehniki aýratynlyklaryna aýratyn üns berildi.Maslahatyň jemleri boýunça oňa gatnaşyjylar şeýle çäreleriň Türkmenistanyň Halk Maslahatynyň ýurduň iň möhüm jemgyýetçilik-syýasy edaralarynyň biri, şeýle hem onuň ösüşiniň geljekki ugurlaryny ara alyp maslahatlaşmak üçin möhüm meýdança hökmünde ähmiýetine has giňden düşünmäge ýardam berýändigini bellediler.
Türkmenistanyň aragatnaşyk ministri Şanhaýda geçirilen emeli aň boýunça maslahatda çykyş etdi
Türkmenistanyň aragatnaşyk ministri Hajymyrat Hudaýgulyýew 17–20-nji iýul aralygynda Şanhaý şäherinde geçirilýän Bütindünýä emeli aň boýunça maslahatyň (WAIC 2026) çäklerinde ýurduň Emeli aň boýunça milli strategiýasyny işläp taýýarlamak ugrunda işjeň iş alyp barýandygyny aýtdy. Onuň bellemegine görä, bu resminama innowasiýalary ornaşdyrmak, ýokary hünärli işgärleri taýýarlamak we ylmy-barlag işlerini ösdürmek üçin esasy binýat bolar.«Ýagty geljek üçin emeli aň ulgamynda hyzmatdaşlyk» atly forumda çykyş eden Hudaýgulyýew Prezident Serdar Berdimuhamedowyň baştutanlygynda ýurtda sanly özgertmeler boýunça döwlet syýasatynyň yzygiderli durmuşa geçirilýändigini aýtdy. Onuň sözlerine görä, bu ugurda infrastruktura döwrebaplaşdyrylýar, sanly ykdysadyýet ösdürilýär we kadalaşdyryjy-hukuk binýady kämilleşdirilýär.Ministriň bellemegine görä, taýýarlanylýan Strategiýada halkara ülňülerine laýyklykda howpsuzlyk, etika, şahsy maglumatlaryň goragy hem-de algoritmleriň açyk-aýdyňlygy meselelerine aýratyn ähmiýet berilýär. Şeýle hem ol emeli aňyň saglygy goraýyş, bilim, ulag ulgamlaryny döwrebaplaşdyrmakda, suw serişdelerini netijeli dolandyrmakda we daşky gurşawy goramakda uly mümkinçilikleri açýandygyny nygtady.Hudaýgulyýew Türkmenistanyň sanly infrastrukturany ösdürmek, häzirki zaman maglumatlary gaýtadan işlemek merkezlerini döretmek, bilelikdäki ylmy taslamalary amala aşyrmak hem-de emeli aň tehnologiýalaryny jogapkärçilikli, howpsuz we ahlak kadalaryna laýyk ulanmagy ilerletmek ugrunda gyzyklanma bildirýän hyzmatdaşlar bilen işjeň hyzmatdaşlyga taýýardygyny mälim etdi.«Emeli aňyň geljegi hyzmatdaşlyga we umumy jogapkärçilige esaslanmalydyr. Döwletleriň, ylmy jemgyýetçiligiň we işewürligiň tagallalaryny birleşdiren ýagdaýymyzda, biz bu tehnologiýalary adamzadyň bähbidine, parahatçylygyň we howpsuzlygyň pugtalandyrylmagyna gönükdirip bileris» — diýip, ministr aýtdy we forumyň guralandygy üçin Hytaýyň Hökümetine minnetdarlyk bildirdi.
Türkmenistan Şanhaýda geçirilýän Emeli aň boýunça bütindünýä maslahatyna gatnaşýar
26-njy ýylyň 17–20-nji iýuly aralygynda Hytaý Halk Respublikasynyň Şanhaý şäherinde Emeli aň boýunça bütindünýä maslahaty (WAIC 2026) hem-de Emeli aňy ählumumy dolandyrmak boýunça ýokary derejeli maslahat geçirilýär. «Emeli aň boýunça hyzmatdaşlyk — ýagty geljek üçin» diýen şygar astynda geçirilýän foruma Türkmenistanyň aragatnaşyk ministri Hajymyrat Hudaýgulyýewiň ýolbaşçylygyndaky türkmen wekiliýeti gatnaşýar. Şanhaý bu ýyl hem dünýäniň öňdebaryjy tehnologik pikir alyşmalarynyň esasy merkezleriniň birine öwrüldi. Şu gezekki maslahatyň gerimi öňki ýyllardakydan hem giň boldy. Sergi meýdançasynyň umumy meýdany 100 müň inedördül metrden geçýär. Foruma 1100-den gowrak öňdebaryjy kompaniýa, şeýle hem dünýäniň dürli ýurtlaryndan 1400-e golaý çykyş ediji, alymlar we döwlet işgärleri gatnaşýar. Maslahatyň açylyş dabarasyna Hytaý Halk Respublikasynyň Başlygy Si Szinpin hem gatnaşdy. Türkmenistanyň degişli ministrliginiň ýolbaşçylygyndaky wekiliýetiniň bu foruma gatnaşmagy ýurtda sanlylaşdyrmak boýunça döwlet strategiýasynyň yzygiderli durmuşa geçirilýändiginiň nobatdaky ädimleriniň biri hökmünde baha berilýär.«Emeli aňy ösdürmek ýurdumyzda infrastruktura derejesindäki esasy ileri tutulýan strategik ugurlaryň biri hasaplanýar» — diýip, türkmen wekiliýetiniň agzalary bellediler.
Ýokary we orta hünär okuw mekdeplerine emeli aň bilen bagly täze ugurlar açylýar
Halkara senagatçylar we telekeçiler uniwersitetinde Bakalawr maksatnamasy boýunça emeli aň we ekspert ulgamlary taýýarlygyň ugry, Türkmenistanyň Aragatnaşyk ministrliginiň Politehniki orta hünär okuw mekdebinde emeli aň we maglumatlary seljermek hünäri täze açylar. Bu barada «Türkmenistan» gazetinde çap edilen söhbetdeşlikde habar berildi.Bellenilişi ýaly, Türkmenistanyň barha ösýän ykdysady kuwwatyny, dürli ugurlar boýunça hünärmenleriň zerurlygyny nazara alyp, 2026-2027-nji okuw ýylynda ýokary okuw mekdeplerinde täze hünärleriň we taýýarlygyň ugurlarynyň jemi 20-si açylýar.
Türkmenistanyň Aragatnaşyk ministrligi Gökderede çagalar üçin baýramçylyk çäresini gurady
Türkmenistanyň Aragatnaşyk ministrligi Gökdere jülgesinde ýerleşýän «Demirýolçy» çagalar sagaldyş-dynç alyş merkezinde dynç alýan çagalar üçin medeni çäre gurady. 9-njy iýulda ýaşajyk tomaşaçylaryň öňünde Türkmenistanyň Döwlet sirkiniň artistleri täze sahna çykyşlary bilen çykyş etdiler.Artistleriň çykyşlary çagalarda ýatdan çykmajak täsirleri galdyrdy we olara ýakymly duýgulary bagyşlady. Sirk artistleriniň ýerine ýetiren şowhunly we şadyýan çykyşlary baýramçylyk ruhuny döredip, çäräni şatlyk hem-de şowhun bilen bezedi. Çagalar artistler tarapyndan guralan dürli oýunlara we bäsleşiklere hem uly höwes bilen gatnaşdylar. Olar özlerine ynanylan keşpleri ussatlyk bilen ýerine ýetirdiler. Çagalar çalasyn hereket etmek hem-de ugurtapyjylyk başarnyklary boýunça geçirilen bäsleşiklerde güýç synanyşdylar we tomaşaçylaryň şowhunly el çarpyşmalaryna mynasyp boldular.Gökdere jülgesiniň tämiz howasynda dynç alýan çagalar tomusky dynç alyşlaryny manyly we peýdaly geçirýärler. Tebigatyň gözel künjeginde guralýan dürli medeni-dynç alyş çäreleri olaryň saglygynyň berkidilmegine, ruhubelentliginiň ýokarlanmagyna hem-de wagtyny gyzykly geçirmegine ýardam berýär.
Türkmenistanda «Sanly çözgüt — 2026» bäsleşigine gatnaşmak üçin arzalar kabul edilip başlandy
Türkmenistanyň Aragatnaşyk ministrligi ýurduň sanly ykdysadyýet ulgamynda ýaş programma üpjünçiligini işläp taýýarlaýjylary hem-de startap-başlangyçlary ýüze çykarmak we goldamak maksady bilen guralýan «Sanly çözgüt — 2026» innowasion taslamalar bäsleşiginiň başlanandygyny yglan etdi. Gatnaşyjylardan resminamalar 2026-njy ýylyň 1-nji oktýabryna çenli kabul ediler, bäsleşigiň jemleri bolsa Aşgabat şäherindäki Söwda-senagat edasynda geçiriljek «Türkmentel — 2026» halkara serginiň we ylmy maslahatyň çäklerinde jemlener.Bäsleşik Türkmenistanda sanly ykdysadyýeti ösdürmegiň 2026 – 2028-nji ýyllar üçin tassyklanylan Konsepsiýasyna laýyklykda guralýar we ol ýokary derejeli IT-hünärmenleri taýýarlamaga, şeýle hem sanlylaşdyrmak ugrunda täze startaplary işe girizmäge gönükdirilendir.Bäsleşige özbaşdak ýa-da düzüminde üç adamdan köp bolmadyk we hökman ýolbaşçysy bellenilen topar görnüşinde gatnaşyp bolýar. Bäsleşikde web-hyzmatlara, şeýle hem kompýuterler we mobil enjamlar üçin niýetlenen programma önümlerine baha berler. Şunda gatnaşyjylar öz işläp taýýarlamalarynyň kiberhowpsuzlygy barada maglumatlary bermäge we intellektual eýeçiligi goramagyň möhletlerini görkezmäge borçludyrlar. Programma üpjünçiliginiň asyl kodunyň bar bolmagy hökmany talapdyr.Taslamalara ýedi ugur boýunça serediler: emeli aň, robototehnika we awtomatlaşdyrmak, oba hojalygy üçin tehnologiýalar, «akylly şäher», bilim we elektron okuw, sanly lukmançylyk hem-de hyzmatlar ulgamy. Gelip gowşan arzalara baha bermek üçin Aragatnaşyk ministrliginiň umumy ýolbaşçylygynda wagtlaýyn topar dörediler.Her ugur boýunça ýeňijiler — birinji, ikinji we üçünji orunlary eýelänler gymmat bahaly sowgatlar we diplomlar bilen sylaglanarlar. Gatnaşyjylary hasaba almak we arzalary kabul etmek işi elektron görnüşde telecom.tm saýtynda amala aşyrylýar.
Türkmenistanda ykdysadyýetiň ähli pudaklaryna 5G tehnologiýalaryny ornaşdyrmak meýilleşdirilýär
Şu günler Türkmenistanda ykdysadyýetiň ähli ugurlaryny 5G tehnologiýasy bilen üpjün etmek boýunça zerur çäreler görülýär. Bu barada TDH habar berýär.5G ulgamynyň maglumatlary geçirijilik mümkinçiliginiň has ýokarydygyny, dünýä tejribesinde bu tehnologiýanyň «akylly» şäher we «akylly» öý ulgamlarynda giňden ulanylýandygyny bellemek gerek. Gurşap alýan çägi we degişli düzümlerdir pudaklar üçin ähmiýetlidigi bu usulyň artykmaçlygyny görkezýär. 5G ulgamynyň mümkinçiliklerini öwrenip, ony Türkmenistanyň Aragatnaşyk ministrliginiň düzümleriniň işine ornaşdyrmak we beýleki ugurlarda işjeň peýdalanmak meseleleri möhüm wezipeleriň hatarynda kesgitlenendir. Çünki Arkadag şäherinde ornaşdyrylan 5G ulgamy öz artykmaçlygyny iş ýüzünde subut etdi.Häzirki zaman 5G aragatnaşyk ulgamynyň maglumat geçirijiligi, 4G bilen deňeşdirilende, 10 essä çenli ýokarydyr. Täze tehnologiýanyň sanly ulgamyň ygtybarly we durnukly birikmelerini üpjün etmek bilen bir hatarda, önümçilik zolaklarynyň, saglygy goraýyş, bilim, senagat pudaklarynyň işiniň ilerlemegine, maglumat alyşmak işiniň tiz hem-de ygtybarly ýerine ýetirilmegine gönükdirilendigini nygtamak gerek.5G ulgamy teleýaýlymlaryň işinde-de netijeli ulanylýar. Bu innowasion tehnologiýa gepleşikleri 4K ölçegde göni ýaýlyma bermegiň, telelukmançylyk amallaryny ýokary derejede ýerine ýetirmegiň ygtybarly usuly hökmünde peýdalanylýar. Robototehnika ýaly ýokary depginde ösýän pudagyň işinde hem bu tehnologiýanyň ägirt uly ähmiýeti bardyr. Munuň özi emeli aňyň mümkinçiliklerini netijeli peýdalanmagyň hem wajyp guraly bolup hyzmat edýär.Häzirki zaman aragatnaşyk ulgamlaryny giňden ornaşdyrmak, 5G we emeli aňyň mümkinçiliklerinden netijeli peýdalanmak boýunça wezipeler «Türkmenistanda sanly ykdysadyýeti ösdürmegiň 2026 — 2028-nji ýyllar üçin Konsepsiýasynda» anyk kesgitlenendir. Häzirki zamanyň talaplaryna doly laýyk gelýän döwrebap şertler tehnologik ösüşiň hil taýdan täze derejä çykarylmagyna, elektron hyzmatlaryň görnüşleriniň giňeldilmegine, hususan-da, elektron hyzmatlaryň e-SIM görnüşini ornaşdyrmaga şert döredýär. Daşary ýurtly raýatlar ýurdua gelen wagtynda milli öýjükli operatoryň SIM kartlaryny satyn almazdan, e-SIM mobil goşundysynyň üsti bilen internet toruna päsgelçiliksiz elýeterliligi alýarlar. Bu hyzmat müşderileriň mobil telefonyna birnäçe belgini birikdirmäge mümkinçilik berýän täze usullaryň biridir.
«Sanly çözgüt – 2026» atly innowasion taslamalaryň bäsleşigi yglan ediler
«Sanly çözgüt – 2026» atly innowasion taslamalaryň bäsleşigi yglan ediler. Bu barada düýn sanly ulgam arkaly geçirilen Ministrler Kabinetiniň mejlisiniň dowamynda wise-premýer B.Annaýewiň hasabatynda bellenildi. «Watan» habarlar gepleşiginde habar berlişi ýaly, bu bäsleşigiň maksady ýurtda programma üpjünçiligini işläp düzýän we innowasion oýlap tapmalary bilen meşgullanýan ýaşlary ýüze çykarmakdan ybaratdyr. Şu gezekki geçiriljek bäsleşik emeli aň, robototehnika, awtomotizasiýa, sanly lukmançylyk, bilim we elektron okuw smart-siti, akylly oba hojalyk tehnologiýalary we hyzmatlar ulgamy ugurlary boýunça geçiriler. Onuň netijesi «Türkmentel – 2026» atly halkara serginiň we ylmy maslahatyň çäklerinde jemlener. Bäsleşige gatnaşan taslamalary ýurtda sanly ykdysadyýeti ornaşdyrmak boýunça işlerde ulanmak we milli ykdysadyýetiň dürli pudaklarynda önümçilige ornaşdyrmak boýunça depginli işler geçiriler. Şunuň bilen baglylykda, wise-premýer döwlet Baştutanynyň garamagyna degişli teklibi hödürledi.Türkmenistanyň Prezidenti hasabaty diňläp, «Sanly çözgüt – 2026» atly innowasion taslamalaryň bäsleşigini yglan etmek baradaky teklibi makullap, wise-premýere degişli işleri geçirmegi tabşyrdy.
«Türkmentelekom» EAK
«Türkmentelekom» EAK Türkmenistanyň her künjeginde müşderilerine durnukly we hilli hyzmat hödürleýär.
Biziň bilen habarlaşyň
- “Türkmentelekom” EAK-nyň tehniki hünärmenlerine ýüz tutmak;
- Tiz we gysga wagtda tehniki hyzmatlary almak;
- Ýokary hilli hyzmatlardan peýdalanmak.
