“Samsung” enjamlaryny öýüňe getirýär

Dünýäde emele gelen çylşyrymly ýagdaý haryt we hyzmat hödürleýän şereketleriň marketing usullaryny üýtgetdi. Öýden sargyt edilýän harytlaryň sany artdy. Hatda käbir awtoulag kompaniýalary sargyt eden ulagyňy öýüňe eltip bermek hyzmatyňy ýola goýdy. Kärhanalar öz işgärlerine öýünde işlemäge mümkinçilik döretdi. “Samsung” kompaniýasy bolsa, täze aljak bolýan harydyňy öýüňde barlap görmek hyzmatyny ýola goýdy. Häzirlikçe diňe Hindistanda ýola goýlan hyzmatdan peýdalanmak isleýänler görmek isleýän harydyny saýlap, salgysyny berýär. Kompaniýanyň wekilleri 24 sagadyň dowamynda müşderiniň salgysyna baryp, isleg bildiren harydyny görkezýär. Ýeri gelende aýtsak, Hindistan koreý brendiniň iň uly bazarlarynyň biridir.