BMTU-a okuwa girmek mümkinçiliigi: türkmenistanly dalaşgärler üçin Aşgabatda söhbetdeşlikler geçiriler


24.03.2025

Belarus milli tehniki uniwersiteti (BMTU) öz resmi hyzmatdaşy bolan «Bitewi Hyzmat» kompaniýasy arkaly türkmen dalaşgärlerini Belarusuň iň bir öňdebaryjy ýokary okuw mekdepleriniň birine okuwa girmek üçin söhbetdeşliklere çagyrýar.

Şu ýylyň iýun aýynyň birinji ýarymynda BMTU-nyň wekiliýeti Aşgabat şäherinde saparda bolup, dalaşgärler bilen şahsy söhbetdeşlikleri geçirer. «Bitewi hyzmat» kompaniýasy hem bu çäräniň guramaçysy bolup, türkmen ýaşlaryna abraýly uniwersitete girmäge giň mümkinçilik döredýär.

Söhbetdeşligiň netijeleri boýunça gatnaşyjylara ilkinji gezek şahadatnama berler. Bu şahadatnama Minsk şäherine Belarusuň milli tehniki uniwersitetine (BMTU) baranyňdan soň, goşmaça synag tabşyrmak zerurlygyndan boşadýar.

Mundan başga-da, heniz orta mekdebi tamamlamadyk, orta bilim hakyndaky şahadatnamasyny almadyk dalaşgärlerden hem resminamalar kabul edilýär. Bu ýaşlara okuwa wagtyndan öň dalaşgärlik edip ýüz tutmaga we uniwersitetde öz okajak ýerini saýlap almaga mümkinçilik berýär.

BMTU — bu Belarusda tehniki bilimi berýän öňdebaryjy ýokary okuw mekdebi bolup, Türkmenistanda uly isleg bildirilýän dürli hünärleri hödürleýän uniwersitetdir. Bu ýerde okuwlar talyplar üçin goşmaça mümkinçilikleri açýan rus hem-de iňlis dillerinde alnyp barylýar. Uniwersitetiň häzirki zaman kampusy okamak we ýaşamak üçin amatly şertleri üpjün edýär. BMTU-nyň diplomy Türkmenistanda doly ykrar edilýär. Bu bolsa uçurymlaryň işlejek ýerini üstünlikli tapmagyny kepillendirýär.

BMTU-da hödürlenilýän fakultetleriň hatarynda şular bar:

  • Awtoulag we traktor
  • Binagärlik
  • Gurluşyk
  • Mehaniki we tehnologiki
  • Maşyngurluşyk
  • Ulag-aragatnaşyk
  • Marketing, menejment we telekeçilik fakulteti
  • Inženerçilik we pedagogika hem-de beýlekiler

Uniwersitet iň amatly bilim derejesini saýlap almaga mümkinçilik berýän bakalawriat we magistratura maksatnamalaryny hödürleýär.

«Bitewi hyzmat» kompaniýasy ähli gyzyklanma bildirýän dalaşgärleri söhbetdeşliklere gatnaşmaga we üstünlikli zähmet ýoluny gurmaga tarap ilkinji ädimi ätmäge çagyrýar.

Habarlaşmak üçin:

  • ýerleşýän salgysy: Aşgabat ş., «Syýahat» myhmanhanasy (ozalky «Turist» myhmanhanasy);
  • elektron poçta salgysy: bitevihyzmat@gmail.com, bsustudent2024@mail.ru;
  • telefon belgileri: (+993 62) 02 30 84, (+993 71) 43 30 88, (+993 71) 43 30 77.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn