Belarus Respublikasynyň Prezidenti Aleksandr Lukaşenko Türkmenistanyň Prezidenti Serdar Berdimuhamedowy Nowruz baýramy bilen gutlady. Bu barada TDH habar berdi.
Belarus Respublikasynyň Prezidentiniň gutlagynda şeýle diýilýär: «Sizi tebigatyň janlanmagynyň, röwşen geljege umyt-arzuwyň nyşany bolan ajaýyp Nowruz baýramy bilen tüýs ýürekden gutlaýaryn.
Belarus bilen Türkmenistanyň arasynda ýola goýlan hoşniýetli gatnaşyklaryň ähli ulgamlardaky ikitaraplaýyn hyzmatdaşlygy ýurtlarymyzyň halklarynyň bähbidine mundan beýläk-de giňeltmäge ýardam berjekdigine ynanýaryn.
Şu baýram günlerinde Size berk jan saglyk, üstünlik, Türkmenistanyň halkyna bolsa parahatçylyk we abadançylyk arzuw edýärin».