Gyrgyz Respublikasynyň Prezidenti Sadyr Žaparow türkmen kärdeşi Serdar Berdimuhamedowa doglan güni mynasybetli gutlag hatyny iberdi.
– Siziň zähmetsöýerligiňiz, syýasy erkiňiz netijesinde doganlyk Türkmenistan okgunly ösýär, türkmen jemgyýetinde agzybirlik, ylalaşyklylyk üpjün edilýär, ýurduňyzda durnuklylyk we howpsuzlyk pugtalanýar.
Bilelikdäki tagallalarymyz bilen gyrgyz-türkmen hyzmatdaşlygyny has-da ösdürjekdigimize berk ynanýaryn. Işjeň syýasy dialogymyz bolsa özara gyzyklanma bildirilýän ähli ulgamlarda gatnaşyklarymyzy mundan beýläk-de pugtalandyrmak üçin ygtybarly binýat bolup hyzmat eder – diýip, Gyrgyz Respublikasynyň Prezidenti hatynda belleýär.
Gyrgyz Lideri gutlag hatynyň ahyrynda Prezident Serdar Berdimuhamedowa berk jan saglyk, bagtyýarlyk hem-de döwlet işinde uly üstünlikleri, Türkmenistanyň doganlyk halkyna bolsa parahatçylyk, abadançylyk arzuw edýär.