Şu gün Türkmenistanyň Katar Döwletindäki Adatdan daşary we Doly ygtyýarly ilçisi Myratgeldi Seýitmämmedow Kataryň bilim, ýokary bilim we terbiýeçilik ministri Buseýn bin Ali Al-Nuaýmin bilen duşuşdy.
Türkmenistanyň Katar Döwletindäki diplomatik wekilhanasynyň habar bermegine görä, duşuşykda özara gyzyklanma bildirilýän meseleler ara alnyp maslahatlaşyldy. Hususan-da, iki döwletiň Hökümetleriniň arasynda gol çekilen Hyzmatdaşlyk etmeb baradky Çarçuwaly Ylalaşygynyň çäginde özara gatnaşyklaryň gerimini giňeltmek barada pikir alşyldy.