Türkmentelekom Bot

Serdar Berdimuhamedow harby gullukçylary ýetip gelýän Watan goragçylarynyň güni bilen gutlady


23.01.2025

Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy, goşun generaly Serdar Berdimuhamedow Döwlet howpsuzlyk geňeşiniň giňişleýin mejlisiniň barşynda harby gullukçylary we harby we hukuk goraýjy edaralaryň işgärlerini ýetip gelýän Watan goragçylarynyň güni bilen tüýs ýürekden gutlady – diýlip, TDH agentligi habar berýär.

Türkmenistanda her ýylyň 27-nji ýanwarynda Watan goragçylarynyň güni dabaraly ýagdaýda bellenip geçilýär. Bu baýram ýurdumyzyň harby we hukuk goraýjy edaralarynyň gullukçylaryna, işgärlerine bildirilýän uly ynamyň, çäksiz hormatyň we olar hakda edilýän aladanyň aýdyň subutnamasydyr – diýip, döwlet Baştutanymyz belledi.

Watanymyza wepaly gulluk edip, onuň mukaddes Garaşsyzlygyny, özygtyýarlylygyny, çäk bitewiligini, konstitusion gurluşyny ygtybarly goramak, kanunylygy üpjün etmek, adamyň we raýatyň hukuklaryny, azatlyklaryny, kanuny bähbitlerini, jemgyýetiň hem döwletiň bähbitlerini goramak Watan goragçylarynyň mukaddes borjudyr – diýip, Serdar Berdimuhamedow nygtady.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn