Gruziýanyň hökümeti tarapyndan berlen beýanda premýer-ministr Georgiý Gahariýanyň koronawirusyň täze görnüşine ýolugandygy mälim edildi.
Georgiý Gahariýa, 1-nji noýabr, ýekşenbe güni koronawirusa ýolugan adam bilen elleşip görüşeninden soň, özüniň mejbury ýagdaýda karantin barlagyndan geçmeli bolandygyny aýtdy. Çünki, premýer-ministriň janpenalarynyň birnäçesinde COVID-19 ýokanç keseliniň tapylandygy habar berildi.
Premýer-ministrden soň, Ykdysadyýet ministri Natiýa Turnawanyň we hökümet administrasiýasynyň başlygy Natiýa Mezwrişwiliniň hem karantin barlagyna alnandygy habar berildi.
Şu gün Gruziýanyň hökümetiniň ýazmaça beýanynda: “Premýer-ministr Georgiý Gahariýa, koronawirusyň bardygy anyklanan goragçysy bilen uzak wagtlap aragatnaşyk saklanlygy sebäpli 31-nji oktýabrda karantin barlagyna alyndy. Barlagyň netijesi premýer-ministrde koronawirusyň bardygyny tassyklady. Georgiy Gahariya özüni gowy duýýar we öýünde bejergini dowam etdirýär.” – diýlip bellenilýär.
Gruziýada COVID-19 ýokanç keseline ýoluganlaryň umumy sany häzirki wagtda 42 müň 579-a ýetdi.