Ozal hem habar berşimiz ýaly, «Türkmennebitönümleri» Baş müdirliginiň «Ahal» futbol toparynyň ýarym goragçysy Elman Tagaýew çempionatyň 3-nji tapgyrynda «Merwiň» derwezesinden iki pökgi geçirip, toparynyň ýeňşine uly goşant goşdy.
Şeýlelikde, 30 ýaşly ýarym goragçy çempionatyň täze möwsümindäki ilkinji iki duşuşygynda 3 gezek tapawutlanyp, turuwbaşdan, netijeli futbolçylaryň başyna geçdi. Ol 1-nji tapgyrda «Nebitçiniň» hem derwezesine bir pökgi geçirip bilipdi. Mahlasy, «Ahalyň» şu möwsümde geçiren 5 pökgüsiniň 3-si Elman Tagaýewe degişlidir.
Ýeri gelende aýtsak, häzir Elman Tagaýewden başga futbolça möwsümde iki gezek hem tapawutlanmak başardanok. Tejribeli ýarym goragçynyň şu möwsümde 11 metrlik jerime urgusyny dürs ýerine ýetiren ilkinji futbolçy bolandygyny hem habar beripdik.
Futbolçy «Ahalyň» düzüminde geçen möwsümiň ikinji ýarymyndan bäri çykyş edýär.