Türkmentelekom Bot

Meredow Saud Arabystanynyň Aşgabatda diplomatik işini tamamlaýan ilçisi bilen duşuşdy


14.02.2025

13-nji fewralda Türkmenistanyň DIM-de daşary işler ministri R.Meredow Aşgabatda özüniň diplomatik işini tamamlaýan Saud Arabystany Patyşalygynyň Adatdan daşary we Doly ygtyýarly ilçisi Said bin Osman Ahmed Suweýd bilen duşuşyk geçirdi. Bu barada daşary syýasat edarasy habar berýär.

Duşuşygyň barşynda Türkmenistanyň daşary syýasat edarasynyň ýolbaşçysy türkmen-saud gatnaşyklarynyň ösdürilmegine goşan şahsy goşandy üçin ilçä hoşallyk bildirdi.

Syýasy, syýasy-diplomatik, söwda-ykdysady we medeni-ynsanperwer ugurlary boýunça ikitaraplaýyn we köptaraplaýyn hyzmatdaşlygyň netijeliligini bellemek bilen, taraplar dostlukly döwletara gatnaşyklaryň ýokary derejesini bellediler.

Iň ýokary we ýokary derejedäki saparlaryň ikitaraplaýyn gatnaşyklaryň ösmegine kuwwatly itergi berýändigi bellenildi.

Iki ýurduň abraýly sebitleýin we halkara guramalaryň çäklerindäki özara gatnaşyklarynyň netijeliligi aýratyn nygtaldy.

Duşuşygyň ahyrynda ilçi Türkmenistandaky diplomatik wezipesini durmuşa geçirmekde beren hemmetaraplaýyn goldawy hem-de degişli ýardamlary üçin türkmen tarapyna özüniň minnetdarlygyny bildirdi.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn