Türkmentelekom Bot

Aşgabatda PostShop marketpleýsiniň kompýuter tehnikasy satylýan ikinji dükany açyldy


18.06.2025

Türkmenistanyň paýtagtynda kompýuter tehnikasy we oňa dahylly bolan enjamdyr abzallary satmak boýunça ýöriteleşýän PostShop marketpleýsiniň ikinji söwda dükany işe başlady. Täze dükan Howdan «B», 5-nji jaý salgysynda ýerleşip, meşhur söwda platformasynyň satuw toruny barha giňeldýär.

Täze dükanyň aragatnaşyk maglumatlary:

• Telefonlar: +993 65 728952, +993 62 621810;

• Harytlaryň görnüşi: kompýuterler, düzüm bölekleri, guramaçylyk-tehniki serişdeler we aksessuarlar.

PostShop marketpleýsiniň Aşgabatda ikinji dükanynyň açylmagy türkmen sarp edijileriniň IT önümlerine bolan isleginiň barha artýandygyny görkezýär. Şeýle görnüşli harytlary hödürleýän ilkinji dükan eýýäm özüni tanatmak bilen, ýerli kompýuter tehnikalarynyň bazarynda öz ornuny tapdy.

«Biziň bölek satuw torumyzyň giňelmegi bilen kompýuter enjamlaryny satyn almak üçin paýtagtymyzyň dürli etraplaryndaky ýaşaýjylara has elýeterli edýär» - diýip, PostShop marketpleýsiniň wekilleri belleýärler.

Täze dükan alyjylara dünýäniň öňdebaryjy öndürijilerinden tehnologiýa önümlerini hem-de edara ýa-da öý üçin zerur bolan ugurdaş harytlary hem hödürleýär. Kompaniýanyň geljekde bölek satuw toruny giňeltmek hem-de harytlaryň görnüşlerini artdyrmak meýilnamalary bar.

 

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn