Türkmentelekom Bot

Hytaýda 2025-nji ýylyň ŞHG-niň Halk diplomatiýasy we dogan şäherleriniň forumy geçiriler


27.06.2025

2025-nji ýylyň Şanhaý Hyzmatdaşlyk Guramasynyň Halk diplomatiýasy we dogan şäherleriniň forumy 3-5-nji iýul aralygynda Hytaýyň demirgazyk-gündogaryndaky Lýaonin welaýatynyň dolandyryş merkezi bolan Şenýan şäherinde geçiriler.

“Halk dostlugynyň çuňlaşdyrylmagy we durnukly ösüşiň öňe sürülmegi” atly çärä ŞHG-niň 20 ýurdundan gowrak, takmynan, 400 myhman gatnaşar. Forumyň çäklerinde ŞHG ýurtlarynyň çagalaryň surat işlerinden ybarat bolan sergi, ŞHG ýurtlarynyň halk dostlugy we alyş-çalyşy babatda gazanan üstünlikleriniň sergisi, şeýle hem ylmy-tehniki innowasiýalar we öňdebaryjy önümçilik gazananlarynyň sergisi guralar.

Forumyň gün tertibine dogan şäherleriniň arasynda alyş-çalyş we söwda-ykdysady hyzmatdaşlyk babatda, ýaşlaryň arasynda ylmy-tehniki innowasiýalar we öňdebaryjy önümçilik boýunça, şeýle hem hytaý halkynyň ýapon basybalyjylaryna garşy uruşda gazanan Ýeňşiň 80 ýyllygyna bagyşlanan kiçiräk maslahatlar geçiriler.

Çäräniň dowamynda ŞHG ýurtlarynyň arasynda halk alyş-çalyşyň durnukly ösüşi boýunça hereketler babatda ylalaşyklarynyň hem-de forumyň netijeleri boýunça Şenýan başlangyjynyň neşir edilmegine garaşylýar. Mundan başga-da, degişli guramalar we şäherler arasynda doganlyk gatnaşyklaryň ýola goýulmagy hakyndaky niýetler barada birnäçe ylalaşyklara we beýanlara gol çekiler.

Forumyň guramaçylary bolup ŞHG-niň Hoşniýetli goňşuçylyk, dostluk we hyzmatdaşlyk boýunça Hytaý komiteti, Hytaýyň daşary ýurt bilen halk dostluk jemgyýeti we Lýaonin welaýatynyň halk hökümeti çykyş eder.

 

 

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn