Türkmentelekom Bot

Türkmenistanda 2024-nji ýylyň 1-nji sentýabryna çenli bank kartlarynyň sanynyň köpelmegi hasaba alyndy


25.09.2024

Türkmenistanyň Merkezi Bankynyň iň soňky maglumatlaryna laýyklykda 2024-nji ýylyň 1-nji sentýabryna çenli Türkmenistanda berlen bank kartlarynyň sany 5 823 690 ýetdi. 2024-nji ýylyň dowamynda ilata berlen kartlaryň sany yzygiderli ýokarlandy — şu ýylyň ýanwar aýy bilen deňeşdirilende ol 261 757 birlik köpelipdir, şol döwürde 5 561 933 kart hasaba alnypdy.

• «Daýhanbank» döwlet täjirçilik banky 2 051 458 kart beripdir.
• «Türkmenistan» döwlet täjirçilik banky — 1 122 688 kart beripdir.
• «Halkbank»paýdarlar täjirçilik banky — 706 144 kart.
• Sebit boýunça iň köp kart Aşgabatda berlipdir, onuň sany 1 950 767 kart, ol ýurt boýunça berlen kartlaryň umumy sanynyň ep-esli bölegini düzýär. Ýurdumyzyň sebitleriniň arasynda Mary welaýaty (1 049 031 kart bilen), Lebap welaýaty (963 355 kart bilen) öňdeligi eýeleýär.

Ýurdumyzda bank kartlarynyň sany ýylsaýyn artýar. Deňeşdirip görsek: 2020-nji ýylyň başynda kartlaryň sany 3 941 320, 2023-nji ýylyň başynda bolsa eýýäm ol 5 177 006 boldy, bu Türkmenistanda nagt däl tölegleriň we bank hyzmatlarynyň meşhurlygynyň barha artýandygynyň depginli ösüşini görkezýär.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn