Türkmenistanyň RF-daky ilçisi GDA-nyň baş sekretaryna «Magtymguly Pyragynyň 300 ýyllygyna» atly ýadygärlik nyşanyny gowşurdy


07.11.2024

Türkmenistanyň Russiýa Federasiýasyndaky adatdan daşary we doly ygtyýarly ilçisi Esen Aýdogdyýew GDA-nyň Baş sekretary Sergeý Lebedewe «Magtymguly Pyragynyň 300 ýyllygyna» atly ýadygärlik nyşanyny gowşurdy. Bu barada GDA-nyň Ýerine ýetiriji komitetiniň saýtynda habar berilýär.

Gowşuryş dabarasy 6-njy noýabrda Moskwada GDA-nyň Ýerine ýetiriji komitetinde geçirildi.

Mälim bolşy ýaly, 10-njy oktýabrda Türkmenistanyň Prezidenti Serdar Berdimuhamedow beýik akyldar şahyr Magtymguly Pyragynyň döredijilik mirasyny öwrenmekde hem-de ony dünýä ýaýmakda, Garaşsyz, Bitarap Türkmenistan bilen gatnaşyklary ösdürmekde, halklaryň arasynda dost-doganlygy we hyzmatdaşlygy berkitmekde bitiren aýratyn hyzmatlary üçin GDA-nyň Baş sekretary Sergeý Lebedewe «Magtymguly Pyragynyň 300 ýyllygyna» atly ýadygärlik nyşany bilen sylaglamak barada karara gol çekipdi.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn