«Türkmenaragatnaşyk» agentligi bilen Türkmenistanyň Söwda-senagat edarasy 2024-nji ýylyň 14 - 16-njy noýabry aralygynda Aşgabat şäherinde «Türkmentel – 2024» atly halkara sergisini we ylmy maslahatyny geçirýär.
«Türkmentel – 2024» atly halkara sergisi we ylmy maslahatyna «SpaceX», «Samsung», «Huawei», «Amazon», «Nokia», «Eastwind», «Lenovo», «Motorola Solutions», «Bosch», «Delta Telecom», «Thales» ýaly dünýä belli kompaniýalaryň ýolbaşçylary we wekilleri gatnaşar.
Täze tehnologiýalar, akylly robotlar, wirtual kömekçiler, sanly hyzmatlar, emeli aňyň mümkinçilikleri, kiberhowpsuzlyk ugurlary boýunça tejribe we pikir alyşmak, ikitaraplaýyn we köptaraplaýyn halkara hyzmatdaşlyklary ýola goýmak forumyň esasy wezipeleri bolar.
Forumyň çäklerinde «Türkmenaragatnaşyk» agentligi bilen daşary ýurt kompaniýalary we halkara guramalarynyň arasynda 50-ä golaý duşuşyklary we gepleşikleri geçirmek göz önünde tutulýar.
Forum innowasion ösüşleriň meýdançasy hökmünde aragatnaşyk pudagyny ösdürmekde täze halkara hyzmatdaşlyklaryň tapgyryna badalga berer.