Türkmentelekom Bot

Türkmenistanda ýaş futbol eminlerini saýlap almak boýunça işler başlandy


20.12.2024

Türkmenistanyň Futbol federasiýasynyň (TFF) Eminler bölümi Ahal welaýatynyň Bedenterbiýe we sport boýunça baş müdirligi bilen bilelikde Tejen şäherinde ýaş eminleri saýlap almak boýunça okuw-maslahat beriş seminaryny geçirdi.

TFF-niň habar berşi ýaly, okuw-seminary Ahal welaýatynyň sport mekdepleriniň ýaş tälimçilerini we eminlige gyzyklanma bildirýän ýokary synp okuwçylaryny çekmäge gönükdirildi. 40-a golaý ýaş hünärmen eminligiň inçe syrlary barada giňişleýin düşünje aldylar we futbol oýnunyň düzgünlerinde bolýan birnäçe ýagdaýlary seljermäge gatnaşdylar.

Sapaklary TFF-niň Eminler bölüminiň başlygy, CAFA-nyň gözükdiriji hünärmeni Çarymyrat Gurbanow we halkara derejeli emin Ahmet Beknazarow geçirdiler.

Şunuň ýaly seminarlary şu ýylyň ahyryna çenli paýtagtda hem-de ýurdumyzyň beýleki welaýatlarynda geçirmek meýilleşdirilýär. Okuwlaryň netijesi boýunça ýaş eminler 2025-nji ýylda TFF-niň howandarlygyndaky dürli ýaryşlara eminlik etmäge hukuk alarlar.Olaryň hataryndan has kämilleşen eminler Ýokary liganyň we Türkmenistanyň Kubogy ugrundaky oýunlara eminlik etmäge çekilip bilner.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn