Türkmentelekom Bot

Türkmenistan TDG-niň elektron rugsat ulgamyna goşular


17.01.2025

Türkmenistan Türki Döwletleriň Guramasynyň (TDG) elektron rugsat beriş ulgamyna gatnaşyjy bolmaga taýynlanýar, bu bolsa türki döwletleriň arasyndaky sebit integrasiýasynyň çuňlaşmagyna goşant goşar. Bu barada TDG-niň Baş sekretary Kubanyçbek Omuraliýew guramanyň agza ýurtlarynyň gümrük gullugynyň ýolbaşçylarynyň 10-njy mejlisinde aýtdy diýip, «Trend» habar berdi.

Baş sekretaryň sözlerine görä, geçen ýyl iki sany möhüm birleşik döredildi: Türki sebitindäki «ÝURTA» halkara ýol gatnawçylarynyň birleşigi we Türki döwletleriň Logistika merkezleri we ýük daşaýjylar birleşigi. Bu ädimler gatnaşyjy ýurtlaryň arasyndaky söwda amallaryny ýönekeýleşdirmäge gönükdirilendir.

K.Omuraliýew sebitdäki ykdysady durnuklylygy üpjün etmek üçin ulag çykdajylarynyň ýokarlanmagyny we gümrük amallarynyň çylşyrymlylygyny öz içine alýan häzirki meseleleri çözmegiň möhümdigini aýtdy. «Türki dünýäsi 2040» strategiki resminamasyna laýyklykda, häzirki wagtda gurama Merkezi geçelge gümrük we söwda amallaryny ýönekeýleşdirmäge çalyşýar.

Möhüm üstünlikleriň biri-de 2022-nji ýylda ÝUNISEF bilen hyzmatdaşlykda Özbegistan bilen Azerbaýjanyň arasynda elektron TIR ulgamynyň üstünlikli ornaşdyrylmagy boldy. TDG sebiti elektron TIR ulgamyny ornaşdyrmakda öňdebaryjy bolmaga çalyşýar.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn