Türkmentelekom Bot

Çoganly ýaşaýyş toplumynda Ýangyn howpsuzlygy müdirliginiň täze binalar toplumy açyldy


24.01.2025

Bagtyýarlyk etrabynyň Çoganly ýaşaýyş toplumynda Türkmenistanyň Içeri işler ministrliginiň ýanyndaky Ýangyn howpsuzlygy müdirliginiň täze binalar toplumynyň açylyş dabarasy boldy. Bu barada türkmen metbugatynda habar berildi.

Habarda bellenilişi ýaly, dabara gatnaşyjylar Ýangyn howpsuzlygy müdirliginiň täze edara binasy bilen tanyşdylar. Onuň merkezi ýangyn aragatnaşyk-wideogözegçilik nokadynda ýaş hünärmen döwrebap tehnologiýalar bilen enjamlaşdyrylan otagyň işleýşi barada gürrüň berdi.

Uçarmansyz uçýan enjamlar arkaly wideogözegçiligi amala aşyrmak, ýangyn döräp biläýjek ýerleri hasaba alyp, hadysanyň öňüni almak mümkindir. Aragatnaşyk-wideogözegçilik nokadynda sanly ulgam bilen utgaşyklylykda diňe bir tebigy çäkler däl, eýsem, ýaşaýyş jaýlary, beýleki ähmiýetli desgalar hem göni aragatnaşykda gözegçilikde saklanýar. Müdirligiň täze edara binasynda galkynyş we mejlisler otaglary hem bar.

Merkezde kabelleriň we beýleki dürli ölçegdäki ýangyn suw geçirijileriniň, içerde we daşarda ses derejelerini ölçeýän, tüsse we howa çalyşýan ulgamlaryň, beýleki elektrik, gurluşyk-hojalyk materiallarynyň ýangyna çydamlylygyny anyklamak üçin ýörite enjamlar ýerleşdirilipdir. Olar ýeňil dolandyryp bolýandygy we awtomatlaşdyrylan ulgamlar esasynda işleýändigi bilen tapawutlanýarlar.

Täze binada gulluk-iş maksatlary üçin ähli amatlyklar göz öňünde tutulypdyr. Bu ýerde synag meýdançasy, ýerasty suw howuzlary, synag beketleri, tehniki beket, ýangyna garşy we suwarma howdany, basdyrmaly awtoduralgalar bar. Toplumyň gurluşygy «Dor bedew» hojalyk jemgyýeti tarapyndan ýerine ýetirilipdir.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn