Türkmentelekom Bot

Liwiýanyň ilçihanasy türkmenistanly telekeçileri Tripolide geçiriljek 51-nji halkara ýarmarkasyna çagyrýar


28.01.2025

Liwiýanyň Türkmenistandaky ilçihanasy ähli gyzyklanma bildirýän taraplary, şol sanda hususy telekeçileri, işewürleri, şeýle hem Türkmenistanyň hususy we döwlet kärhanalaryny 51-nji halkara ýarmarkasyna gatnaşmaga çagyrýar.

Çäre 2025-nji ýylyň 22-28-nji apreli aralygynda Liwiýanyň paýtagty Tripoli şäherinde geçiriler.

Liwiýanyň iň uly ýarmarkasy hökmünde hasaplanýan bu çäre işewürlik gatnaşyklaryny ýola goýmak, önümleri we hyzmatlary görkezmek, şeýle hem täze bazarlary öwrenmek üçin aýratyn mümkinçilik bolup durýar.
Guramaçylar bu çärä gatnaşmagyň halkara hyzmatdaşlygyny ösdürmekde möhüm ädim bolup biljekdigini nygtaýarlar.

Gatnaşmak üçin wiza anketasyny we jaýy kireýine almak üçin ýüzlenme görnüşini doldurmak zerur bolup durýar. Goşmaça maglumatlary şu telefon belgilerine jaň edip, alyp bilersiňiz: +99312 36 11 89, +99312 36 42 47.

Ýarmarka baradaky maglumat «Turkmenportal» internet portalyna Liwiýanyň Türkmenistandaky ilçihanasy tarapyndan berildi.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn