26.03.2025
Türkmenistanyň Prezidenti musulmanlary Gadyr gijesiniň ýetip gelmegi mynasybetli gutlady, Aşgabatda Haýyr-sahawat gaznasynyň işini habar beriş serişdelerinde giňişleýin şöhlelendirmegiň meseleleri ara alnyp maslahatlaşyldy, HHR-niň Başlygy Türkmenistan bilen hyzmatdaşlygy ösdürmäge taýýardygyny aýtdy we beýleki habarlar
Türkmenistanda
1. Türkmenistanyň Prezidenti Serdar Berdimuhamedow ýurduň musulmanlaryny Gadyr gijesiniň ýetip gelmegi mynasybetli gutlady. Döwlet Baştutany gutlag hatynda bu aýratyn senäniň ruhy-ahlak taýdan ähmiýetini belläp, onuň jemgyýetiň agzybirligini we jebisligini berkitmekdäki ornuna ünsi çekdi. Prezident tutuş musulman dünýäsi ýaly, türkmen halkynyň hem gadymy döwürlerden bäri mukaddes Oraza aýyna we Gadyr gijesine hormat goýýandygyny nygtady. Bu gün tutuş ýurtdaky metjitlerde tarawa namazlary okalýar, döwletiň parahatçylygy, abadançylygy we durnuklylygy üçin doga-dilegler edilýär.
2. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewanyň medeniýet toplumyna gözegçilik edýän wise-premýer hem-de ýurduň köpçülikleýin habar beriş serişdeleriniň zenan ýolbaşçylary bilen duşuşygy boldy. Duşuşygyň barşynda Haýyr-sahawat gaznasynyň döredilmeginiň dört ýyllygy mynasybetli geçiriljek «Parahatçylyk we ynanyşmak ýyly: çagalaryň hatyrasyna halkara işiniň ösüşi» atly halkara maslahatyň guramaçylyk ýagdaýy we ony geçirmegiň ähmiýeti barada giňişleýin gürrüň edildi.
3. Türkmenistan bilen Hytaýyň arasyndaky gatnaşyklar durnukly ösüş häsiýetine eýe bolup, dürli ulgamlarda yzygiderli çuňlaşdyrylýar. Bu barada HHR-niň Başlygy Si Szinpin Nowruz baýramy mynasybetli Türkmenistanyň Prezidenti Serdar Berdimuhamedowyň adyna iberen hatynda belledi. «Häzirki wagtda hytaý-türkmen gatnaşyklary durnukly ösüş häsiýetine eýe bolup, «Bir guşak, bir ýol» başlangyjynyň çäklerindäki özara hereketlerimiz yzygiderli ilerledilýär, dürli ulgamlardaky gatnaşyklarymyz çuňlaşdyrylýar» diýip, HHR-niň Başlygy nygtady.
4. Belarus Respublikasynyň Prezidenti Aleksandr Lukaşenko Türkmenistanyň Prezidenti Serdar Berdimuhamedowy Nowruz baýramy mynasybetli gutlady we ikitaraplaýyn hyzmatdaşlygyň mundan beýläk-de giňeldiljekdigine ynam bildirdi. «Sizi tebigatyň janlanmagynyň, röwşen geljege umyt-arzuwyň nyşany bolan ajaýyp Nowruz baýramy bilen tüýs ýürekden gutlaýaryn. Belarus bilen Türkmenistanyň arasynda ýola goýlan hoşniýetli gatnaşyklaryň ähli ulgamlardaky ikitaraplaýyn hyzmatdaşlygy ýurtlarymyzyň halklarynyň bähbidine mundan beýläk-de giňeltmäge ýardam berjekdigine ynanýaryn» diýip, Lukaşenko belledi.
5. Seýitnazar Seýdi adyndaky Türkmen döwlet mugallymçylyk institutynyň biologiýa we ony okatmagyň usulyýeti kafedrasynyň mugallymy Diýar Yhtyýarow Özbegistan Respublikasynyň Ýaşlara goldaw merkezi we «Scientific Academy» ylmy-barlag merkezi tarapyndan guralan halkara bäsleşikde ýeňiji boldy. Ýaş alym bäsleşige «Beýik Ýüpek ýolunyň ugrunda ýerleşýän döwletleriň ekologik abadançylygyny berkitmek» atly ylmy işini hödürledi. Onuň işi ylmy geňeş tarapyndan biragyzdan makullandy we oňa ýokary baha berildi.
6. Türkmenistanyň daşary işler ministri Raşid Meredow bilen BMG-niň Ilat Gaznasynyň (UNFPA) Türkmenistanda täze bellenen ýurt boýunça direktory Çinwe Ogbonnanyň arasynda duşuşyk geçirildi. Raşid Meredow diplomata ýurduň bu halkara düzümi bilen hyzmatdaşlygynyň ösdürilmegine gönükdirilen işinde üstünlikleri we täze sepgitleri arzuw etdi. Duşuşygyň dowamynda taraplar özara hyzmatdaşlygyň ýokary derejesini belläp, bu hyzmatdaşlygy mundan beýläk hem ösdürmäge ylalaşdylar.
Dünýäde
1. Parižiň ýaşaýjylary şäheriň 500 köçesini awtoulagsyz giňişlige öwürmek baradaky başlangyjy goldadylar. Munuň özi pyýada geçelgelerini giňeltmäge, welosiped ýodalaryny döretmäge we ýaşyl zolaklaryň sanyny artdyrmaga mümkinçilik döreder. Mundan başga-da, awtoulag duralgalarynyň sanyny 10% azaltmak meýilleşdirilýär.
https://turkmenportal.com/blog/89311/parizh-bez-avtomobilei-500-ulic-stanut-peshehodnymi-zonami
2. «Geçiş ýaşy» («Переходный возраст») atly britan kiçi-serialy çykmagyndan soňky ilkinji iki hepdäniň dowamynda «Netflix» platformasynda 66,3 million gezek tomaşa edilip, täze rekord goýdy. Bu platformanyň ozalky ähli kiçi seriallarynyň, şol sanda geçen ýylky meşhur «Sugun owlagynyň» («Оленёнок») hem görkezijisinden ýokarydyr. «Geçiş ýaşy» mart aýynyň başynda ilkinji gezek ýaýlyma berildi we derrew tomaşaçylaryň ünsüni çekdi. Sýužet Jeými atly on üç ýaşly ýetginjege gönükdirilýär. Ol synpdaşyny öldürmekde aýyplanyp, tussag edilýär. Tomaşaçylar oglanjygyň kakasy, jemgyýetçilik hyzmatlary we polisiýa bilen bilelikde näme bolandygyny anyklamaga synanyşýarlar. Serial dartgynly atmosferasy we güýçli aktýorlygy üçin tankytçylaryň ýokary öwgüsine mynasyp boldy.
https://turkmenportal.com/blog/89315/britanskii-miniserial-perehodnyi-vozrast-bet-rekordy-na-netflix
Sport täzelikleri
1. Futbol boýunça Türkmenistanyň milli ýygyndysy Aziýa Kubogy-2027-niň üçünji saýlama tapgyrynyň deslapky oýnunda Hytaý Taýbeýinden üstün çykdy. «D» toparçasyndaky oýun 2:1 hasabynda tamamlandy. Ýeňijileriň düzüminde «Ahalyň» hüjümçisi Elman Tagaýew hem-de «Arkadagyň» ýarymgoragçysy Ýazgylyç Gurbanow tapawutlandy. Türkmenistan indiki oýnuny 10-njy iýunda Taýland bilen öz öýünde geçirer. Hytaý Taýbeýi bolsa myhmançylykda Şri-lanka bilen oýnar. Ýeri gelende bellesek, bu Türkmenistanyň milli ýygyndysynyň 2022-nji ýylyň iýunynda Bangladeşiň toparyny ýeňeninden bäri geçirilen resmi oýunlardaky ilkinji ýeňşidir.
https://turkmenportal.com/blog/89299/turkmenistan-obygral-kitaiskii-taibei-v-otbore-na-kubok-azii
27.08.2025
Türkmenistanyň Aragatnaşyk ministrligi we BMG-niň Ösüş Maksatnamasy sanly özgertme boýunça okuw geçirýär
25.08.2025
Türkmen höwesjeň ýaşlarynyň 50-ä golaýy sumo boýunça robotlaryň göreşine gatnaşdy
20.08.2025
Arkadag «TIF-2025» forumynda «akylly» we ekologik taýdan arassa şäheriň nusgasy bolar
18.08.2025
Wirtual serwerleriň ätiýaçlyk göçürmeleriniň mümkinçilikleri
18.08.2025
Türkmenistanda ýaş inženerleriň arasynda bäsleşik geçirildi
28.07.2025
Türkmenistan döwlet edaralarynyň arasynda maglumatlary alyşmak üçin X-Road ulgamyny işe girizdi
11.07.2025
BMG-niň forumynyň gatnaşyjylar üçin Türkmenistanda «Awaza AI» atly wirtual kömekçi işe girizildi
09.07.2025
Aşgabatda aragatnaşyk we awiasiýa pudagynyň bilermenleri ýaş hünärmenler bilen duşuşdylar
30.06.2025
«Daýhanbank» Türkmenistanda bank kartlaryny çykarmak boýunça öňdebaryjy boldy
29.06.2025
Arkadag şäherinde 5G aragatnaşygy işe girizildi
28.06.2025
Halk Maslahatynyň Başlygy Arkadag şäherinde 5G tehnologiýasyny işe girizmäge ak pata berdi
28.06.2025
Türkmenistanyň wekilleri Hanty-Mansiýsk şäherinde geçirilen halkara IT-konferensiýasyna gatnaşdylar
18.06.2025
Türkmenistan Merkezi Aziýa bilen Hytaýyň arasynda emeli aň boýunça hyzmatdaşlygy ösdürmäge çagyrýar
14.06.2025
«Sanly çözgüt — 2025» atly innowasion taslamalaryň bäsleşigi yglan ediler
02.06.2025
Türkmen hünärmenleri Özbegistanyň «ýaşyl» tehnologiýalar babatdaky tejribesini öwrenýärler
27.05.2025
«Daýhanbank» daşary ýurtda okaýan talyplar üçin «Menzilara bank» ulgamyndan peýdalanmagy teklip edýär
09.05.2025
КЭ «Туркментелеком» агентства «Туркменарагатнашык» предлагает организациям услугу Колл-центра
08.05.2025
«Туркменарагатнашык» и «Туркменпочта» поздравили ветеранов
07.05.2025
«Türkmenaragatnaşyk» и Airbus договорились о партнерстве в космической сфере
29.04.2025
Türkmenistanyň älem ulgamynyň gazananlary we geljegi
18.04.2025
Türkmenistanda X-Road platformasynyň ornaşdyrylmagy boýunça işler alnyp barylýar
18.04.2025
Türkmenistanda 2025-nji ýylda aragatnaşyk üçin maýa goýumlary 82 million manatdan gowrak bolar
15.04.2025
«Türkmenaragatnaşyk» EXPO-2025 sergisinde sanlylaşdyrmakda gazanan üstünliklerini görkezýär
14.04.2025
Mugallymlaryň we talyplaryň arasynda kiberhowpsuzlyk boýunça türgenleşik geçirildi
12.04.2025
TYA-nyň Halkara ylmy-tehnologiýa parkynda halkara ylmy maslahat geçirildi
10.04.2025
Türkmenistan Duşenbede sanly aragatnaşyk boýunça geçirilen halkara foruma gatnaşdy
10.04.2025
Türkmenistan Koreýa Respublikasy bilen kiberhowpsuzlyk boýunça hyzmatdaşlygyň gerimini giňelder
28.03.2025
Aşgabatda Merkezi Aziýa döwletleriniň we ÝB-niň daşary işler ministrleriniň 20-nji duşuşygy geçirildi
28.03.2025
Halk Maslahatynyň Başlygy Arkadag şäheriniň ikinji tapgyrynyň binalarynda milli ýörelgelere üns bermelidigini tabşyrdy
28.03.2025
TDHÇMB-da söwdalaşyklar: agardylmadyk mata we dokma galyndylary ýerlenildi
28.03.2025
Ýewropa Parlamentinde Bitaraplygyň parahatçylygy berkitmekdäki orny bilen baglanyşykly Ýörite mejlis geçirildi
28.03.2025
Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň dört ýyllygy mynasybetli çäre geçiriler
27.03.2025
UNFPA guramasy 2026-2030-njy ýyllar üçin Türkmenistanda alyp barjak iş maksatnamasy bilen tanyşdyrdy
27.03.2025
Ýerewanda Ykdysady hyzmatdaşlyk boýunça hökümetara türkmen-ermeni toparynyň mejlisi geçirildi
27.03.2025
Ýewropa komissiýasynyň wise-prezidenti Aşgabatda gepleşikleri geçirer
27.03.2025
Mişustin: rus-türkmen hyzmatdaşlygyny giňeltmek iki ýurduň bähbitlerine laýyk gelýär
27.03.2025
Türkmenistan - Rumyniýa: ylym-bilim ulgamyndaky özara hyzmatdaşlyk işjeňleşýär
27.03.2025
Türkmenistanyň we Özbegistanyň daşary işler ministrleri birnäçe mesele boýunça maslahatlaşdylar
27.03.2025
Aşgabatda «ÝB — Merkezi Aziýa» görnüşindäki daşary işler ministrleriniň duşuşygy geçirilýär
27.03.2025
Türkmenistan Ylmy diplomatiýa boýunça ählumumy ministrler dialogyna gatnaşdy
27.03.2025
Türkmenistanyň ilçihanasy Moskwa şäherinde kitap sergisini gurady
26.03.2025
Russiýa BMG-niň Türkmenistanyň hemişelik Bitaraplygy hakyndaky Kararnamasyny makullaýar
26.03.2025
Türkmenistanyň Prezidenti Gresiýanyň Prezidentini Garaşsyzlyk güni bilen gutlady
26.03.2025
Serdar Berdimuhamedow Türkmenistanyň hemişelik Bitaraplygy hakynda Kararnamanyň kabul edilmegi bilen gutlady
26.03.2025
Türkmenistanyň Prezidenti watandaşlaryny mübärek Gadyr gijesiniň ýetip gelmegi bilen gutlady
26.03.2025
Türkmenistanyň Prezidenti Bangladeş Halk Respublikasynyň Garaşsyzlyk güni bilen gutlady
26.03.2025
TDHÇMB-da söwdalaşyklar: “TS-1” kysymly uçar kerosini, suwuklandyrylan gaz, nah ýüplügi we agardylmadyk biz matasy, şeýle hem gurluşyk materiallar satyn alyndy
25.03.2025
Türkmenistanyň Prezidenti Gresiýa Respublikasynyň Prezidentini gutlady
25.03.2025
Aşgabatda «Halkara parahatçylyk we ynanyşmak ýyly: Türkmenistanyň hemişelik Bitaraplygynyň dabaralanmagy» atly maslahat geçirildi