02.09.2024
Hormatly mugallymlar we bilim işgärleri!
Mähriban talyplar, eziz okuwçylar!
Sizi Berkarar döwletiň täze eýýamynyň Galkynyşy döwründe jemgyýetimizi jebislige, beýik ösüşlere ruhlandyrýan ajaýyp baýram — Bilimler we talyp ýaşlar güni hem-de 2024-2025-nji täze okuw ýylynyň başlanmagy mynasybetli tüýs ýürekden gutlaýaryn.
Bütin adamzadyň we ähli döwürleriň iň gymmatly baýlygy bilimdir. Şundan ugur alyp, türkmen halky hem öz şöhratly taryhynyň bütin dowamynda ylma-bilime aýratyn sarpa goýup, umumadamzat gymmatlyklaryna mynasyp goşant goşup gelýär. Ösüşleriň we özgerişleriň, döretmegiň, gurmagyň nusgalyk ýoly bilen ynamly öňe barýan häzirki beýik döwrümizde milli tejribelerimize eýerip, şeýle hem dünýäniň öňdebaryjy gazananlaryna daýanyp, ýurdumyzyň milli bilim ulgamyny özgertmek ugrundaky döwlet maksatnamalarymyzy üstünlikli durmuşa geçirýäris. Bu özara baglanyşykly, toplumlaýyn işler ýurdumyzyň bilim binýadyny has-da berkitmek bilen birlikde, ilkinji nobatda, bilimli, ylymly, Watanyň beýik geljegi, halkyň ykbaly ugrunda ýokary jogapkärçilik duýgusyna eýe bolan päk ahlakly, hakyky watansöýüji nesilleriň kemala gelmegine, jemgyýetimizde ylmyň we bilimiň gymmatynyň has-da artmagyna oňyn täsir edýär.
«Pähim-paýhas ummany Magtymguly Pyragy» ýylynda Bilimler we talyp ýaşlar gününe gabatlanyp, bilimler dünýäsine ilkinji gadamyny basýan körpelerimize ýadygärlik sowgat hökmünde «Bilimli» atly kompýuterleriň gowşurylmagy, eziz Diýarymyzyň obadyr şäherlerinde täze, döwrebap orta mekdepleriň we çagalar baglarynyň dabaraly açylmagy bilim ulgamynyň dünýä ölçeglerine laýyklykda ösýändigine, bu ugurda uly üstünlikleriň gazanylýandygyna aýdyň şaýatlyk edýär. Biz geljekde hem ýurdumyzyň bilim ulgamyny dünýä derejesine çykarmak, ýaşlarymyzyň sazlaşykly ösmegi, dünýägaraýşynyň giňelmegi üçin ähli şertleri döretmek meselelerine aýratyn üns bereris.
Eziz okuwçylar, mähriban talyp ýaşlar!
Eziz Watanymyzyň geçmişine, berkarar döwletimiziň şu günki ýeten belentliklerine, abraý-mertebesine guwanýan, maşgala ýörelgelerine, ata-enä, dogan-garyndaşa, il-güne ygrarly, ylymly-bilimli, watansöýüji nesiller biziň buýsanjymyzdyr. Siz Oguz han, Togrul beg, Çagry beg, Alp Arslan, Soltan Sanjar, Döwletmämmet Azady, Nurmuhammet Andalyp, Magtymguly Pyragy ýaly beýik alymlarymyzdyr akyldarlarymyzyň Watany söýmek, agzybirlik, dost-doganlyk ýaly öwüt-ündewlerine eýerip, döwürleriň, nesilleriň we medeniýetleriň baglanyşygyny özünde jemleýän asylly ýörelgelerimizi mynasyp dowam etdirýän nesiller hökmünde özüňizi tanatmalysyňyz. Okamagy we öwrenmegi, döredijilikli, yhlasly zähmet çekmegi, eziz Watanymyzyň şan-şöhratyny, mertebesini belende götermegi durmuş mekdebiňize öwürmelisiňiz.
Hormatly mugallymlar we bilim işgärleri!
Mähriban talyplar, eziz okuwçylar!
Bilimler we talyp ýaşlar güni mynasybetli Aşgabat şäherinde mugallym, esger, ilhalar ynsan, Watany söýmekde nusgalyk yz galdyran Berdimuhamet Annaýewiň adyny göterýän ýöriteleşdirilen harby mekdebiň täze binalar toplumynyň açylyp ulanmaga berilmegi beýik taryhy şahsyýetlerimize belent sarpa goýulýandygyna şaýatlyk edýär.
Biz Garaşsyz Diýarymyzyň ähli künjeginde häzirki zaman kompýuterleri, multimedia tehnologiýalary, okuw-usuly esbaplar bilen üpjün edilen döwrebap orta mekdepleri, çagalar baglaryny, hünär bilim edaralaryny gurmak, bilim işini ylmy, nazary, amaly taýdan kämilleşdirmek arkaly milli bilim ulgamyny dünýä derejesine çykarýarys. Ylym-bilim ulgamynda iri halkara guramalar, dünýä döwletleri bilen dostlukly, özara bähbitli gatnaşyklaryň has-da giňeldilmegine uly ähmiýet berýäris. Bu dabaraly günde biz Täjigistan Respublikasynyň Hatlon welaýatynyň Dusti etrabynyň türkmenleriň kowçum bolup ýaşaýan Ergeş Sultanow daýhan birleşiginde Magtymguly adyndaky umumybilim berýän 540 orunlyk orta mekdebi hem açyp ulanmaga bereris.
Başymyzyň täjine deňeýän eziz Watanymyzyň berkararlygyny, mähriban halkymyzyň bagtyýarlygyny üpjün etmek, ýurdumyzda gazanylýan ajaýyp üstünlikleri ýaş nesillerimiziň aňyna ýetirmek, gujur-gaýratly, ylymly, bilimli, dörediji we gurujy ýaşlarymyzy belent maksatlara ruhlandyrmak ugrunda «mugallym» diýen belent ada mynasyp bolan watandaşlarymyzyň hyzmatyna uly hormat goýýarys. «Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasyny» kabul etmek bilen, biz 2024-2025-nji täze okuw ýylyndan iň gowy dünýä tejribesinden we bilim ulgamynyň milli aýratynlyklaryndan ugur alýan bilim özgertmelerimiziň täze tapgyryna badalga berdik.
Türkmenistanda on iki ýyllyk umumy orta bilime geçmegiň, sanly bilim ulgamyny ösdürmegiň, daşary ýurt dillerini okatmagy kämilleşdirmegiň, tebigy we takyk ylmy ugurlara degişli dersleri okatmagy kämilleşdirmegiň Konsepsiýalaryna laýyklykda, siz ýaş nesillerimiziň sagdyn ösmegi, okamagy, öwrenmegi ugrunda alyp barýan işleriňizi üznüksiz kämilleşdirmelisiňiz. Ylymly, bilimli, beden taýdan sagdyn, ruhy taýdan kämil, watansöýüji nesilleri kemala getirmekde elmydama döredijilikli gözleglerde bolup, bilimiň hilini has-da ýokarlandyrmakda oňyn netijeleri gazanmalysyňyz.
Hormatly mugallymlar we bilim işgärleri!
Mähriban talyplar, eziz okuwçylar!
Sizi Bilimler we talyp ýaşlar güni hem-de täze okuw ýylynyň başlanmagy bilen ýene-de bir gezek tüýs ýürekden gutlaýaryn. Size berk jan saglyk, uzak ömür, okuwda, işde uly üstünlikleri, maşgala abadançylygyny arzuw edýärin.
Türkmenistanyň Prezidenti
Serdar Berdimuhamedow.
16.09.2024
Türkmen halkynyň Milli Lideri, Türkmenistanyň Halk Maslahatynyň Başlygy Arkadag şäheriniň ikinji tapgyrynda gurulmagy meýilleşdirilýän desgalaryň şekil taslamalary bilen tanyşdy
16.09.2024
Türkmenistanyň Prezidenti Meksikanyň Birleşen Ştatlarynyň Prezidentini gutlady
16.09.2024
Aşgabatda Dünýä türkmenleriniň ynsanperwer birleşiginiň XXV maslahaty geçirildi
16.09.2024
Koreýa Respublikasynyň Türkmenistandaky ilçisi «Balkan» gämi gurluşyk we abatlaýyş zawodyna baryp gördi
16.09.2024
Türkmenistanyň we Yragyň daşary işler ministrleri telefon arkaly söhbetdeş boldular
14.09.2024
Ýokary okuw mekdeplerinde halkara olimpiadalar we ylmy-amaly maslahatlar geçiriler
14.09.2024
Türkmenistan raýat awiasiýasynyň işgärleriniň hünär derejesini ýokarlandyrýar
14.09.2024
Aşgabatda Garaşsyz Türkmenistanyň ykdysady üstünlikleriniň sergisi guralar
14.09.2024
Aşgabatda täze ýaşaýyş jaýlary we seýilgäh açylyp ulanmaga berler
14.09.2024
«Türkmengeologiýa» döwlet korporasiýasyna 3D geofiziki enjamlar toplumy ornaşdyrylar
14.09.2024
Dünýä türkmenleriniň ynsanperwer birleşiginiň XXV maslahatyna gatnaşyjylara
13.09.2024
Koreýanyň Türkmenistandaky Ilçisi iş sapary bilen "Balkan” gämi gurluşyk we abatlaýyş zawodyna bard
13.09.2024
Aşgabatda neşe serişdeleriniň halkara söwdasyna garşy göreş bilen bagly brifing geçirildi
13.09.2024
Türkmenistanda Wengriýanyň Adatdan daşary we Doly ygtyýarly ilçisi işe başlady
12.09.2024
Aşgabat Astana bilen gaz pudagyndaky hyzmatdaşlygy giňeldýär
12.09.2024
Türkmenaragatnaşyk agentligi TIF-2024 forumynda halkara hyzmatdaşlygyny güýçlendirdi
12.09.2024
Türkmenistan Owganystana nobatdaky ynsanperwerlik kömegini iberdi
12.09.2024
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky ÇYKYŞY
12.09.2024
Energetika, ulag-kommunikasiýa, logistika desgalarynyň işe girizilmegi hem-de gurluşygyna badalga berilmegi mynasybetli dabaralar
11.09.2024
Türkmenistan we Owganystan täze demir ýol köprüsini açdylar
11.09.2024
Türkmenistanyň Mary welaýatynda täze gaz gysyjy bekediň düýbi tutuldy
11.09.2024
Türkmenistan we Owganystan birnäçe energetika hem-de ulag infrastrukturasynyň gurluşygyna badalga berdi
11.09.2024
Gahryman Arkadagymyzyň Mary welaýatyna iş sapary
11.09.2024
Türkmenistanyň Prezidenti Malaýziýanyň daşary işler ministrini kabul etdi
11.09.2024
Türkmenistanyň Prezidenti Serdar Berdimuhamedowyň Türkmenistanyň maýa goýum forumynda, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahatda hem-de ugurdaş sergilerde sanly ulgam arkaly eden çykyşy
11.09.2024
Aşgabatda Türkmenistanyň maýa goýum forumy geçirilýär
11.09.2024
Paýtagtymyzda «HI-TECH Turkmenistan 2024» atly halkara maslahat we sergi geçirilýär
11.09.2024
Türkmenistanda maýa goýumlar innowasion häsiýete eýe bolýar
11.09.2024
Türkmen-rus söwda dolanyşygy 73,5 göterim ýokarlandy
11.09.2024
Türkmenistan mümkinçilikleri çäkli bolan çagalara ýardam bermekde halkara hyzmatdaşlygy işjeňleşdirýär
10.09.2024
Maryda ýaşlaryň howanyň üýtgemegine garşy maslahaty geçirildi
10.09.2024
Aşgabatda Malaýziýanyň daşary işler ministri bilen duşuşyk geçirildi
10.09.2024
Aşgabatda Türkmenistanyň maýa goýum forumy öz işine başlady
10.09.2024
Türkmenistanyň Prezidenti pagta ýygymy möwsümine doly taýýarlygy üpjün etmegi tabşyrdy
10.09.2024
Awtomobil ýollarynyň gurluşygyny dolandyrmak baradaky döwlet agentligine täze ýolbaşçy bellenildi
10.09.2024
Türkmenistan bilen Malaýziýanyň arasynda hyzmatdaşlygyň gerimini giňeltmek bilen bagly meseleleriň uly toplumy ara alnyp maslahatlaşyldy
10.09.2024
Türkmenistan Aýlagdaky arap ýurtlary bilen Merkezi Aziýanyň arasyndaky hyzmatdaşlygy çuňlaşdyrmagy teklip edýär
10.09.2024
Türkmenistanda ylmy elektron neşirleriň sany köpelýär
09.09.2024
Gahryman Arkadagymyz Gurbanguly Berdimuhamedowyň Gazagystan Respublikasyna iş sapary başlandy
09.09.2024
Türkmen halkynyň Milli Lideri, Halk Maslahatynyň Başlygynyň Gazagystan Respublikasynyň Prezidenti bilen duşuşygy
09.09.2024
Gahryman Arkadagymyz Gurbanguly Berdimuhamedow Çarwadarlaryň V Bütindünýä oýunlarynyň açylyş dabarasyna gatnaşdy
09.09.2024
BMG-niň Baş Assambleýasy Türkmenistanyň başlangyjy boýunça «Birleşen Milletler Guramasynyň oýunlary» atly Kararnamany kabul etdi
09.09.2024
Türkmen halkynyň Milli Lideri, Türkmenistanyň Halk Maslahatynyň Başlygy Çarwadarlaryň V bütindünýä oýunlarynyň resmi açylyş dabarasyna gatnaşdy
09.09.2024
Türkmenistanyň Prezidenti Koreýa Halk Demokratik Respublikasynyň Baştutanyny gutlady
09.09.2024
Türkmenistanyň Prezidenti Täjigistan Respublikasynyň Prezidentini gutlady
08.09.2024
Türkmen halkynyň Milli Liderine Arkadag şäheriniň mynasyp bolan täze halkara sylaglary gowşuryldy
07.09.2024
Mary etrabynyň çäginde mineral dökünleri öndürýän toplum gurlar
07.09.2024
Aşgabatda Halkara awtomobil ulaglary bileleşiginiň baş sekretary bilen duşuşyk geçirildi
07.09.2024
Türkmenistanyň Prezidenti Braziliýa Federatiw Respublikasynyň Prezidentini gutlady
07.09.2024
Türkmenistanyň Prezidentiniň «Türkmeniň Altyn asyry» baýragyny almak ugrundaky bäsleşiginiň çäklerinde geçirilýän höwesjeň aýdymçy ýaşlaryň «Ýaňlan, Diýarym!» telebäsleşiginiň jemleýji tapgyryna gatnaşyjylara