Türkmentelekom Bot

Sakarçäge etraby 2024-nji ýylyň jemleri boýunça ýeňiji diýlip yglan edildi


08.02.2025

Mary welaýatynyň Sakarçäge etraby 2024-nji ýylyň jemleri boýunça welaýatlaryň etraplarynyň we etrap hukukly şäherleriniň hem-de Aşgabat şäheriniň etraplarynyň arasynda durmuş, ykdysady, medeni taýdan ähli görkezijiler boýunça iň ýokary netijeleri gazanan, Türkmenistan boýunça ýeňiji bolan etrap diýlip yglan edildi we bu etrabyň häkimligi 1 million amerikan dollary möçberinde pul baýragy bilen sylaglanyldy. «Watan» habarlar gepleşiginde habar berlişi ýaly, bu barada şu gün 2024-nji ýylyň jemlerine bagyşlanyp geçirilen giňişleýin Hökümet mejlisiniň barşynda aýdyldy. Hökümet mejlisinde döwlet Baştutany bu etrabyň häkimligini sylaglamak baradaky degişli Buýruga gol çekdi. Türkmenistanyň Merkezi banky görkezilen pul baýragyny Türkmenistanyň Altyn asyryny ösdürmegiň döwlet gaznasynyň serişdelerinden bölüp bermäge borçly edildi.

Şeýle-de Hökümet mejlisinde Türkmenistanyň Prezidentiniň gol çeken resminamasy bilen, 2025-nji ýyl boýunça degişli bäsleşik yglan edildi.

Belläp geçsek, 2023-nji ýylyň jemleri boýunça Türkmenistanda Ahal welaýatynyň Ak bugdaý etraby iň ýokary netijeleri gazanan etrap diýlip yglan edildi hem-de 1 million amerikan dollary möçberindäki pul baýragyna mynasyp boldy.

Täzelikler

2 3 4 5 ... 10

Kömek gerekmi?

Biziň hünärmenlerimiz hemişe sizi gyzyklandyrýan soraglaryňyza jogap bermäge taýyn